VOV4.K’ho – Drim òr 01-6, Gơnoar ala mat dà lơgar cribơyai bè ờ uă bơta gam geh jơnau đơs krơi is bơh rơndap Adat bơyai lơh gơnoar atbồ lơgar tam gơl. Cribơyai tàm hìu pơrjum, ồng Danh Út, mpồl càr Kiên Giang, ồng Lê Đắc Lâm, mpồl càr Bình Thuận mờ ờ uă kuang bàng ndai đơs là, ba` cih kờp du\ nền nòn bè khà, mat sơnđan ală gah, sơnah lơh broă ndrờm bal tàm Adat nàng dong geh rơcang lài rlau Gơnoar ala mat dà lơgar in tàm broă tơlik kơrnuat khà kuang bàng Gơnoar atbồ lơgar, gàr niam Gơnoar atbồ lơgar mut lơh geh cồng nha gơnoar atbồ dà lơgar he dê, dipal mờ bơta geh ngan mờ sồr bơyai lơh mpồl kuang bàng Gơnoar atbồ lơgar tàm tơl tơngai bơtàu tơnguh dà lơgar dê. Gơrềng tus kơnòl, gơnoar bơh Kuang gơs gơnap gơnoar atbồ hơđang rlau jơh dà lơgar, ồng Huỳnh Văn Tiếp, mpồl [òn dờng Cần Thơ pà git, bơh tìp mat cau te\ khà lài mờ dơ\ pơrjum, cau te\ khà sùm tơlik kơnòl bơh Kuang gơs gơnap gơnoar atbồ hơđang rlau jơh dà lơgar mờ ală kuang bàng tàm gơnoar atbồ lơgar tàm broă tam dră sa kuề sa kùa, hoàc huơr. Cau te\ khà đơs là, tơngai lài, bơta sa kuề sa kùa ờ geh tơmù mờ ngai sơlơ gơguh uă. Den tàng kơnòl bơh kuang gơs gơnap gơnoar atbồ hơđang rlau jơh dà lơgar mờ ală kuang bàng tàm gơnoar atbồ lơgar tàm broă do pal tơmut tàm adat boh lam mờ kơrnuat geh kơnòl ngan ngồn.

                                                                                   Cau mblàng K’ Duẩn.