VOV4.K’ho – Pơn jat tai pơrjum dơ\ 2, Gơnoar ala mat dà lơgar kơnă XIV, cribơyai rơndăp lơh Adat gùng rơndeh ồs (tam gơl) drim òr 18/11, ală kuang bàng sền bal ring bal mờ bơta kờn ngan pal tam gơl Adat, mơya sồr kờn pal cih loh mờ wil tơl rlau tai gùng dà lơh lài bơtàu tơnguh bơh gah gùng rơndeh ồs dê. Tă pơgồp jơnau đơs bè rơndăp cih Kơrnoat bè broă lơh tơrlòng lài lơh sră lòt rê điện tử ai cau lơgar ndai tus tàm lơgar Việt Nam in, bàr pe jơnau đơs tă pơgồp đơs là, broă ngui ai jơh ală cau lơgar ndai geh lơh sră lòt rê điện tử tus tàm lơgar Việt Nam là uă ir; mìng pal lơh lài ai năc lòt nhơl in, năc tus tàm lơgar Việt Nam nàng lòt sền drà kă bro, jòi tu\ tơngai bơcri priă halà bàr pe lơgar neh ki\ pơrgon gi\t gơ\p tam klac lơh broă bal mờ lơgar Việt Nam.

Cau cih mờ yal tơngi\t- Lơ Mu K’ Yến