VOV4.K’ho – Pơn jat tai pơrjum dơ\ 2, Gơnoar ala mat dà lơgar kơnă XIV, mho òr 24/10, Gơnoar ala mat dà lơgar iat ồng Phan Thanh Bình, Kuang atbồ Anih duh broă chài rơgơi, bơto bơtê, ơruh pơnu, kơ nòm pa tàu mờ kơnòm dềt Việt Nam bơh Gơnoar ala mat dà lơgar dê sền sră yal mblàng , iat kơno, lơh tam gơl wơl rơndăp cih Adat pin dờn, jat yàng mờ cribơyai tàm hìu pơrjum bè bàr pe tơngume gam geh jơnau đơs krơi is bơh rơndăp cih adat do dê. Jat jơnau yal mblàng, uă kuang bàng đơs là, ală tơngume cih bè gơnoar khat gơboh pin dờn, jat yàng bơh jơh tơl nă cau dê mờ bơta sền dờng màng, sền gàr gơnoar khat gơboh pin dờn, jat yàng bơh Dà lơgar dê tàm rơndăp cih Adat gam ờ hềt ndrờm pal mờ ờ hềt loh làng. Mơkung sồr bơtơl ală jơnau cih loh làng rlau kờn tơngo\ bơta li la bơh broă pin dờn dê mờ kờn sền gàr broă pin dờn lơh geh jơnau kờn nùs nhơm bơh làng bol dê, dipal mờ bơhiàn niam bơne\ bơh jơi bơtiàn dê. Rơndăp cih Adat kờn pal cih loh làng rlau bè broă ală mpồl cau, cau dùl nă să jat yàng geh lơh bal tàm ală broă lơh bơto bơtê, lơh sơnơm, sền gàr dong kờl mpồl bơtiàn, lơh broă niam dong kờl sền gàr kòn bơnus nàng kờn lơh geh cồng nha tu\ lơh jat...

Cau cih mờ yal tơngi\t- Lơ Mu K’ Yến