VOV4.K’ho – Drim òr 25/03, ală kuang bàng Gơnoar ala mat dà lơgar lơh broă tàm hìu pơrjum, cribơyai bè bàr pe tơngume gam geh jơnau đơs krơi is bơh rơndăp cih Adat sơnơm tơm ba (tam gơl). Rơndăp cih Adat neh bơtơl uă jơnau sồr bè gah lơh sơnơm bơhiàn yau jat gùng dà lơh geh tơl ală bơta sền go\, lơh sră dan lơh broă, lơh sră dan sền gàr gơnoar geh ngui bồ tơngoh jak; tàm pơn jat, sền gàr ndơ\p ndơr bơta lơh sơnơm bơhiàn yau mờ geh broă dong kờl dipal ai cau ai pà ală bơta lơh sơnơm bơhiàn yau kuơmàng; lơh geh tơl ală bơta nàng pà sră cơng tàng lơh broă gah lơh sơnơm, sơnơm tơm ba bơhiàn yau ai cau geh ngui bơta lơh sơnơm bơhiàn yau geh Gah Lơh sơnơm dà lơgar dê dờp sền. Bè pà sră cơng tàng lơh broă sơnơm tơm ba, Anih duh broă sùm Gơnoar ala mat dà lơgar sồr Gơnoar ala mat dà lơgar sền sơ wì mờ lơh nền dùl tàm 2 broă lơh. Broă lơh 1 là pà sră cơng tàng lơh broă sơnơm tơm ba dùl dơ\, broă lơh 2 là pà sră cơng tàng geh tơngai pơrgon 5 nam dùl dơ\. Dùl bơta pa bơh rơndăp cih Adat geh lơh tam gơl dơ\ do là chul chồl ală mpồl cau mờ cau dùl nă să is pờ hìu tăc sơnơm, anih tăc sơnơm lơh broă tàm trồ mang mờ jàu kơnòl tus Gah Lơh sơnơm càr in sồr ală anih drơng tăc sơnơm bơh 10 jiơ mang ngai lài tus 6 jiơ drim ngai tơnơ\ in  

Cau cih mờ yal tơngi\t- Lơ Mu K’ Yến