VOV4.K’ho – Pơn jat tai pơrjum dơ\ 10, Gơnoar ala mat dà lơgar kơnă 13, ngai òr 30/10, Gơnoar ala mat dà lơgar tă pơgồp jơnau đơs tàm Rơndăp cih Adat lơh glài ku\p màng (tam gơl). Jat tàm bơta iat kơno jơnau đơs tă pơgồp bơh làng bol mờ kuang bàng Gơnoar ala mat dà lơgar dê, Anih duh broă sùm Gơnoar ala mat dà lơgar dùl nùs ring bal sang te\ bơta lơh glài gơ sơ\t să tus mờ ală bơta tìs: tung kơ`au phan; prăp pồn ma tuý tìs mờ adat boh lam; sa kơ`au ma tuý; lơh aniai broă, phan bơna, phan ngui kuơmàng bè lơngăp dà lơgar; dră wơl jơnau sồr, pờ tê ờ jai mờ bol sò tơm; lơh aniai bơta ring lơngai, lơh gơlik tam lơh dà lơgar sò tơm sơgràm phà; tam dră wơl kòn bơnus; lơh tìs tam lơh dà lơgar. Gơ wèt mờ tìs dờp priă sa kuề sa kùa,  ồng Nguyễn Bá Thuyền di Mpồl kuang bàng Gơnoar ala mat dà lơgar càr Lâm Đồng đơs là, lài do cih “Cau lơi sơmờm gơnoar broă să tờm halà bơh cau ndai, dờp halà geh dờp jơh ală bơta kuơ lơi bơh ală broă lơh nàng lơh halà ờ lơh dùl broă là lơh tìs sa kuề sa kùa”. Mơya, rơndăp cih adat tu\ do den cih wơl tai jơnau “dan sa priă sa kuề sa kùa”. Jat ồng Nguyễn Bá Thuyền, dilah cih tai jơnau do tàm rơndăp cih Adat den ndrờm bè là he dong kờl cau lơh tìs in tài bơh kal ke ngan tơngo\ là geh dan sa priă sa kuề sa kùa halà ờ dan sa priă sa kuề sa kùa.

Cau cih mờ yal tơngi\t- Lơ Mu K’ Yến