VOV4.K’ho – Pơn jat tai pơrjum dơ\ 2, Gơnoar ala mat dà lơgar kơnă XIV, drim òr 11/11, ală kuang bàng Gơnoar ala mat dà lơgar cribơyai tàm mpồl bè rơndăp lơh Adat gùng rơndeh ồs (tam gơl) mờ rơndăp lơh Adat tàm jàu gơnoar geh ngui măy mok (tam gơl). Ală kuang bàng đơs là, kờn ngan pal tam gơl Adat tàm jàu gơnoar geh ngui măy mok (tam gơl) nàng di tu\ lơh gơs kơrnoat boh lam ală gùng dà broă lơh tam gơl pa bơh Đảng, Dà lơgar dê bè bơtàu tơnguh jak chài măy mok, sền mpồl lơh sa kă bro là tiah tờm bơh tam gơl pa, ngui mờ tàm jàu gơnoar geh ngui măy mok nàng tơnguh jơnhoa cồng nha lơh geh, bơta niam phan bơna, pràn tàm pơrlòng bơh rài lơh sa dê mờ sền gàr tiah ơm kis; kơryan blơi bơh lơgar ndai măy mok ờ gam niam tai; đòm jat mờ atbồ măy mok jak chài pa, jak chài ngan bơh dunia dê. Mơkung gròi sền rơhời tam jàu gơnoar geh ngui măy mok bơh Việt Nam tus lơgar ndai dipal mờ bơta geh ngan Việt Nam dê mờ lơh geh jơnau kờn bè mu\t gơ rờm bal mờ dunia.

Cau cih mờ yal tơngi\t- Lơ Mu K’ Yến