VOV4.K’ho – Pơnjat tai broă lơh pơrjum dơ\ 11, drim do, 24/3, ală kuang bàng gơnoar ala mat dà lơgar cribơyai tàm mpồl bè cồng nha mut lơh kơnòl bơtàu tơnguh lơh sa mpồl bơtìan nam 2015; cồng nha mut lơh 5 nam bơh nam 2011 tus nam 2015; rơndap broă bơtàu tơnguh lơh sa mpồl bơtìan 5 nam bơh nam 2016 tus nam 2020 mờ rơndap broă ngui ù 5 nam, tơngai bơh nam 2016 tus nam 2020.

Đơs bè bơta lơh sa mpồl bơtìan 5 nam bơh nam 2011 tus nam 2015, jơnau yal bơh gơnoar atbồ lơgar dê kung pà git, tàm khà 26 broă lơh kuơ màng bơh rơndap broă 5 nam dê, geh 16 broă lơh neh lơh geh mờ sơr lèt rlau mờ rơndap broă; 10 broă lơh ờ lơh geh. Pơn rơ là bơta gơmù bơngă khà priă geh sền gròi, broă lơh sa dờng geh gàr kơ\, khà priă ngui sa gơmù bơh 18,13% tàm nam 2011 gam 0,6% tàm nam 2015; priă cồng ai càn gơmù 50% pơn drờm mờ lồi nam 2011; jơngkah dồs ai càn gơguh uă, cồng nha ai càn priă hời rơhời geh tơnguh niam. Khà priă lơgar he pơn drờm mờ lơgar ndai geh gàr kơ\, tơmù bơta ngui đôlar, biàng tàm broă tơm priă, bơta pin dờn tàm priă Việt Nam gơguh uă.

                                            Cau cih mờ yal tơngit K’ Duẩn.