VOV4.K’ho - Mho òr (21/10), Gơnoar ala măt dà lơgar pơn jăt tai lơh broă tàm hìu pơrjum dờng, iăt jơnau yal mờ jơnau lùp sền, sền gròi rơndăp broă lơh adăt ling klàng lơh broă mờng mờ cau lơh broă sa priă nhai gah sền gàr dà lơgar; cri bơyai rơndăp broă adăt sền gròi Gơnoar ala măt dà lơgar bal mờ mpồl duh broă ala măt làng bol. Jăt jơnau yal bơh Gơnoar atbồ lơgar, rơndăp broă adăt ling klàng lơh broă mờng bal mờ cau lơh broă sa priă nhai gah sền gàr dà lơgar geh tơl^k bè gơnoar, kơnòl, broă drơng broă lơh, broă dong kờl tus mờ ling klàng lơh broă mờng mờ cau lơh broă sa priă nhai gah sền gàr dà lơgar; kơnòl anih lơh broă, mpồl lơh broă, cau 1 nă să is. Bơdìh hơ\ tai, rơndăp broă adăt kung tơl^k khà priă nhai ling klàng lơh broă mờng bal mờ cau lơh broă sa priă nhai gah sền gàr dà lơgar geh kờp jăt groăt, khà bơsram di pal mờ broă lơh, kơnòl broă lơh ling klàng dê. Ling klàng lơh broă mờng mờ cau lơh broă sa priă nhai gah sền gàr dà lơgar geh dờp broă dong kờl jăt nam lơh broă; broă dong kờl tus mờ kuang bàng, cau lơh broă sa priă nhai gah sền gàr dà lơgar geh dờp priă dong kờl tơngai lơh broă; priă dong kờl bè kuang bàng cau lơh broă geh bal broă lơh mờ dong kờl geh nùs nhơm krơi is ling klàng dê; geh dờp broă dong kờl bè hìu ơm mpồl bơtiàn, geh ơpah hìu ơm jăt mờ kơrnoăt adăt boh lam dê.

        Cau cih mờ yal tơng^t Ndong Brawl