VOV4.K’ho – Pơnjat tai pơrjum dơ\ 9, drim do 21-5, Gơnoar ala mat dà lơgar iat jơnau yal sền sơwì bè rơndap adat sră nggal lah yă lơh glài kup màng tam gơl mờ sră yal bè kờp du\ lài broă lơh crơng gơs adat boh lam, kơrnuat boh lam Gơnoar ala mat dà lơgar nam 2016, bơsong broă lơh crơng gơs adat boh lam, kơrnuat boh lam kơnă 13 mờ nam 2015.

Pơnjat mờ hơ\, Gơnoar ala mat dà lơgar iat sră yal bè kờp du\ lài broă lơh crơng gơs adat boh lam, kơrnuat boh lam Gơnoar ala mat dà lơgar nam 2016. Sră yal đơs tờm, broă lơh bơt bơtàu adat boh lam tơngai lài geh tam gơl niam ngan, bơh sơnrờp neh drơng jơnau kờ` atbồ dà lơgar, bơtàu tơnguh lơh sa mpồl bơtiàn, sền gàr ngap lơngai, sền gàr dà lơgar mờ mut gơrờm bal dunia. Mơya, broă crơng gơs, mut lơh broă lơh crơng gơs adat boh lam, sơnoa boh lam Gơnoar ala mat dà lơgar kung  gam geh ală bơta ờ niam jo\ jòng, lơyaì geh bơsong bè: Khà ală rơndap broă sồr bơsong, bơtơl gam uă, cồng nha ờ uă rơndap adat gam ờ hềt niam. Anih duh broă sùm Gơnoar ala mat dà lơgar sồr Gơnoar atbồ lơgar mờ ală anih lơh broă geh gơ rềng pơnjat tai tơnguh kơnòl bơt bơtàu adat boh lam, kơrnuat boh lam, tơr gùm tơnguh cau lơh broă, phan bơna mờ ală bơta ndai tus mờ broă lơh crơng gơs kơrnuat boh lam nàng gàr niam tơngai mut lơh, cồng nha ală rơndap adat, kơrnuat boh lam dê.

                                                                                                              Cau mblàng K' Duẩn.