VOV4.K’ho - Ngai òr (22/3), Gơnoar ala mat dà lơgar geh iat ala\ jơnau yal tơnggit broa\ lơh tơngai  lơh broa\ bơh Gơnoar ala mat dà lơgar,  kuang atbồ lơgar, Gơnoar atbồ lơgar, Kuang gơs gơnap gơnoar atbồ hơđang rlau jơh dà lơgar, geh cri bơyai bè ờ ua\ tơnggu me gam krơi is bơh rơndap adat tam tơl, bơsir ờ ua\  bơta  bơh adat ta\ dia giá trị gia tăng, adat ta\ dia ngui dơ\ kuơ màng mờ adat atbồ ta\ dia.

            Jơnau yal tơnggit broa\ lơh tơngai lơh broa\ nam 2011-2016 bơh Kuang atbồ lơgar geh đơs loh: tàm bơh la cau atbồ lơgar, kuang atbồ lơgar neh nhap nhar mut lơh mờ lơh geh cồng nha  tàm broa\ lơh. Rơndap broa\ lơh jơnau yal tơnggit kung song dơpa\ geh đơs la,  broa\ lơh sền gàr ngap lơngai mờ broa\ mut lơh kơnòl broa\ lơh, gơnoar  atbồ mpồl ling klàng phàu crong làng bol gam gơ kòl yan.

Sền rơndap cih jơnau yal lơh broă kơnă 13 bơh Gơnoar ala mat dà lơgar dê, ồng Nguyễn Sinh Hùng kuang atbồ gơnoar ala mat dà lơgar đơs loh, bulah gam ală bơta ờ niam mơya gơnoar ala mat dà lơgar kơnă 13 neh lơh jơh niam kơnòl geh jàu, dipal mờ bơta pin dờn bơh Đảng, dà lơgar mờ làng bol dê. Ală anih lơh broă bơh gơnoar ala mat dà lơgar mờ tơl nă kuang bàng ndrờm wèt tus jơnau kờ` drơng dà lơgar, drơng làng bol in; lơh sơnua boh lam, lơh kơrnuat boh lam tài làng bol, sền gròi nàng drơng làng bol; là kuang bàng kis tàm làng bol, geh làng bol pin dờn, kờ` gơboh, ringbal, tam pà bal, dong kờl, tă pơgồp jơnau đơs mờ sền gròi tơl broă lơh.

Jơnau  yal tơnggit broa\ lơh tơngai lơh  broa\  bơh nam 2011-2016 bơh Gơnoar ala mat dà lơgar, Kuang gơs gơnap gơnoar atbồ hơđang rlau dà lơgar geh lơh ngan geh  sền wơl broa\ mut lơh gơnoar,  kơnòl,  gơnoar bơh Gơnoar atbồ lơgar, Kuang gơs gơnap gơnoar atbồ hơđang rlau jơh dà lơgar  jat geh cih bơh sơnoa boh lam, adat boh lam. Jơnau yal tơnggit song dơpa\ geh sơndio  ala\  broa\ gam ờ niam,  bơta gam ờ pràn  bè atbồ,  sền gàr, lam sồr, đơmh lam bơtàu tơngguh lơh sa-mpồl bơtìan, bè  bơt bơtàu mờ mut ngui adat boh lam, bè lơh geh mờ lơh gơs ròt gah đơng broa\ gơnoar atbồ lơgar, bè atbồ broa\ lơh lùp sền, tus lòt sền, bơsong  yal ya\, rcang sơndra\ sa kuề sa  kùa, bè atbồ,  sền gàr, gàr niam ngap lơngai mờ ờ do ờ da\ mpồl bơtìan, atbồ broa\ lơh mờ lơgar cau,  gơrờm bal dunia.

                   Cau cih mờ yal tơnggit K’ Brọp mờ K’ Duẩn.