VOV4.K’ho - Pơn jăt tai pơrjum dơ\ 10, Gơnoar ala măt dà lơgar kơnă 13, mho òr (20/10), pơrjum tàm hìu pơrjum dờng iăt ờ uă jơnau yal bơh ală kuang bàng tàm Gơnoar atbồ lơgar bal mờ jơnau yal lùp sền, sền gròi bè rơndăp broă kes priă dà lơgar bal mờ gùng dà, broă tam pà kes priă dà lơgar nam 2016, jơnau yal cồng nha lơh jăt ală broă lơh jăt khà dà lơgar tơngai bơh nam 2011 tus 2015, bơ\t bơtàu, ai tơl^k gùng dà bơcri priă lơh jăt khà dà lơgar tơngai bơh nam 2016 tus 2020, mờ gùng dà broă ngui priă tềm pềr Gơnoar atbồ lơgar, broă tơl^k priă tềm pềr Gơnoar atbồ lơgar tàm anih kă bro priă dunia. Mò Nguyễn Thị Kim Ngân, kuang jăt jơng atbồ Gơnoar ala măt dà lơgar neh đơng lam dơ\ pơrjum do. Kung tàm mho òr (20/10), Gơnoar ala măt dà lơgar neh iăt jơnau yal lùp sền, sền gròi  bè gùng dà, broă ngui priă tềm pềr Gơnoar atbồ lơgar gam jơn kah bơh ală rơndăp broă lơh niam wơl gùng sồ 1A mờ gùng Hồ Chí Minh gơl lòt gan Tây Nguyên; jơnau yal lùp sền, sền gròi bè broă ai uă bơta tơngai tơl^k priă tềm pềr Gơnoar atbồ lơgar, broă tơl^k priă tềm pềr Gơnoar atbồ lơgar tàm anih kă bro priă dunia.