VOV4.K’ho – Pơn jat tai pơrjum dơ\ 10, Gơnoar ala mat dà lơgar kơnă 13, mho òr 04/11, Gơnoar ala mat dà lơgar iat sră mblàng mờ yal sền sơ wì wơl bè Rơndăp lơh Adat sră bău (tam gơl). Broă tam gơl wơl do kờn lơh geh bơta đơng lam bơh Đảng, bơta atbồ bơh Dà lơgar dê tus mờ sră bău; brồ guh jơh ală bơta niam, bơsong jơh ală bơta gam ờ hềt wil tơl, ờ hềt niam tàm broă lơh sră bău; kờn lơh geh bơta ring bal, dùl ròt bal bơh ală kơrnoat boh lam bè sră bău; bơta geh cồng nha ngan ngồn bơh ală jơnau cih tàm kơrnoat boh lam bè sră bău tàm bơta gùng dră bal, lơh sa- mpồl bơtiàn mờ broă lơh sră bău tàm Việt Nam. Bơta pa bơh Rơndăp lơh Adat dê pơndrờm mờ adat gam geh ngui tu\ do là bơtơl tai 1 tăp cih bè gơnoar khat gơboh lơh bău, gơnoar khat gơboh boh bơr đơs jơnau tàm sră bău jat jơnau cih tàm Sơnoa boh lam nam 2013; rề ơnàng mờ cih loh làng cau geh crơng gơs anih lơh bău; sền gròi tus lơh sa sră bău; dờp mờ lơh loh làng gơnoar, kơnòl, broă mờ tơngume gơrềng bal tàm jơh ală bơta sră bău; bơtơl bàr pe jơnau cih pa bè bơyai lơh sră bău.

Cau cih mờ yal tơngi\t- Lơ Mu K’ Yến