VOV4.K’ho – Pơnjat tai pơrjum dơ\ 9, Gơnoar ala mat dà lơgar kơnă 13, drim do 28-5, Gơnoar ala mat dà lơgar iat sră yal mờ jơnau jơnau yal sền sơwì rơndap adat lùp jơnau đơs làng bol. Jat sră yal rơndap adat, bơh tu\ crơng gơs dà lơgar tus tu\ do, broă bơyai lơh ai jơnau đơs làng bol tus mờ ală gùng dà, broă lơh, adat boh lam lài mờ tu\ ai tơlik neh geh mut lơh; broă cribơyai bơh ală cau jak chài mờ mut lơh cribơyai mpồl bơtiàn kung neh geh bơtàu tơnguh. Mơya cồng nha bơh ală broă lơh ai jơnau đơs làng bol dê kung gam uă bơta ờ niam. Dùl tàm ală jơnau là tus tu\ do, lơgar he kung gam ờ hềt geh kơrnuat loh làng bè lùp jơnau đơs làng bol. Ală tơngume gam geh jơnau đơs krơi is tàm rơndap adat lùp jơnau đơs làng bol là: Cau geh gơnoar tơlik kơrnuat lùp jơnau đơs làng bol; Gơnoar lùp jơnau đơs làng bol; cau geh gơnoar sồr lùp jơnau đơs làng bol; Bè anih lơh broă, mpồl drơng broă lùp jơnau đơs làng bol; Bè cồng nha lùp jơnau đơs làng bol; Bè bơsong jơnau yal yă bè cồng nha lùp jơnau đơs làng bol.

                                                                              Cau mblàng K' Duẩn.