VOV4.K’ho – Drim òr 30/03, ală kuang bàng Gơnoar ala mat dà lơgar pơn jat tai lơh broă tàm hìu pơrjum, iat Sră yal bơh Anih duh broă sùm Gơnoar ala mat dà lơgar dê bè broă ai tơn jơh at gơnoar broă Kuang atbồ Gơnoar ala mat dà lơgar, Kuang atbồ Mpồl duh broă te\ khà dà lơgar. Bồ jiơ [ùi drim òr, Gơnoar ala mat dà lơgar iat ồng Trần Văn Hằng Kuang atbồ Anih duh broă mờ lơgar ndai bơh Gơnoar ala mat dà lơgar dê sền sră yal mblàng, iat kơno, lơh tam gơl wơl rơndăp cih Adat ki\, mu\t bal mờ lơh jat jơnau hơ pơrgon dunia (tam gơl) mờ cribơyai bè bàr pe tơngume gam geh jơnau đơs krơi is bơh rơndăp lơh Adat do dê. Pơn jat hơ\, Gơnoar ala mat dà lơgar iat Anih duh broă sùm Gơnoar ala mat dà lơgar yal bè broă ai tơn jơh at gơnoar broă Kuang atbồ Gơnoar ala mat dà lơgar, Kuang atbồ Mpồl duh broă te\ khà dà lơgar nàng kuang bàng cribơyai tàm mpồl. Cồng nha cribơyai geh yal tàm mho ngai òr. Mpồl kờp sră pồ geh crơng gơs jat tàm Sră yal bơh Kuang atbồ Gơnoar ala mat dà lơgar dê yal ală broă đùh sră. Tơnơ\ hơ\, Gơnoar ala mat dà lơgar ai tơn jơh at gơnoar broă Kuang atbồ Gơnoar ala mat dà lơgar, Kuang atbồ Mpồl duh broă te\ khà dà lơgar bơh broă đùh sră ndơ\p ndơr. Kung tàm mho òr, Anih duh broă sùm Gơnoar ala mat dà lơgar yal rơcang kuang bàng nàng Gơnoar ala mat dà lơgar pồ Kuang atbồ Gơnoar ala mat dà lơgar, Kuang atbồ Mpồl duh broă te\ khà dà lơgar.

Cau cih mờ yal tơngi\t- Lơ Mu K’ Yến