VOV4.K’ho – Mho òr 24/11, Gơnoar ala mat dà lơgar pơrjum bal tàm hìu pơrjum bè broă lơh cau drơng broă Mpồl duh broă te\ khà dà lơgar mờ kuang dong broă kuang atbồ Gơnoar ala mat dà lơgar. Gơnoar ala mat dà lơgar iat mò Tòng Thị Phóng kuang jat jơng atbồ Gơnoar ala mat dà lơgar yal jơnau yal bè cồng nha cribơyai tàm mpồl bè jơnau kờp du\ lài cau drơng broă kuang atbồ Mpồl duh broă te\ khà dà lơgar. Jat mờ hơ\, jơh 63 mpồl kuang bàng Gơnoar ala mat dà lơgar ndrờm ringbal mờ sră yal bơh Anih duh broă sùm Gơnoar ala mat dà lơgar dê bè cau drơng broă là ồng Nguyễn Sinh Hùng kuang atbồ Gơnoar ala mat dà lơgar yal nàng pồ lơh kuang atbồ Mpồl duh broă te\ khà dà lơgar. Cồng nha pờ tê ringbal tàm hìu pơrjum, mờ uă ngan khà kuang bàng Gơnoar ala mat dà lơgar ringbal, pơndut sră cih mat ồng Nguyễn Sinh Hùng nàng Gơnoar ala mat dà lơgar pồ kuang atbồ Mpồl duh broă te\ khà dà lơgar.

Lài mờ hơ\, drim òr 24/11, ală kuang bàng Gơnoar ala mat dà lơgar lơh broă tàm hìu pơrjum iat sră yal bơh Anih duh broă sùm Gơnoar ala mat dà lơgar dê bè ngai te\ khà kuang bàng Gơnoar ala mat dà lơgar kơnă 14 mờ kuang bàng Mpồl duh broă ala mat làng bol ală kơnă, tơngai bơh nam 2016 tus nam 2021.

                                                        Cau cih mờ yal tơngit K’ Duẩn.