VOV4.K’ho – Ngai do, 17/11, pơnjat tai dơ\ lùp mờ hơ jơnau lùp bơh ală kuang bàng tàm gơnoar atbồ lơgar. Ngai òr, 16/11, Gơnoar ala mat dà lơgar pơrjum bal tàm hìu pơrjum, lời jơh dùl ngai nàng lùp ală kuang bàng tàm gơnoar atbồ lơgar bè jơh ală bơta bơh bồ tơngai lơh broă tus tu\ do. Tềng đap bơta đơng lam bơh ồng Huỳnh Ngọc Sơn kuang jat jơng atbồ Gơnoar ala mat dà lơgar, ală kuang bàng Gơnoar ala mat dà lơgar neh lùp dùl ròt ală bơta gơ rềng tus kơnòl bơh ală Gah, sơnah lơh broă dà lơgar. Ồng Huỳnh Ngọc Sơn sồr kuang ala mat mờ ală cau geh lùp jơnau hơ song tàm ală bơta geh lùp, cribơyai bal nàng jòi broă lơh kờ` mut lơh gơ in niam, bơsong niam ală bơta geh ai tơlik. Tơnơ\ jơnau đơs bơh ồng Nguyễn Sinh Hùng kuang atbồ Gơnoar ala mat dà lơgar, ồng Nguyễn Xuân Phúc kuang jat jơng gơs gơnap gơnoar atbồ hơđang rlau jơh dà lơgar ala mat Gơnoar atbồ lơgar yal bè broă mut lơh jat ală kơrnuat bơh Gơnoar ala mat dà lơgar dê bè broă lơh sền gròi tơngume, broă lơh lùp mờ hơ jơnau lùp bơh bồ tơngai lơh broă kơnă 13 tus tu\ do.

Dùl bơta geh sền gròi uă tàm dơ\ lùp jơnau ngai òr, là tơngume tam gơl pa bơto bơsram bơh ồng Phạm Vũ Luận kuang atbồ Gah bơto bơtê mờ bơsram dà lơgar hơ jơnau lùp mờ Gơnoar ala mat dà lơgar neh iat ồng Nguyễn Hoà Bình kuang atbồ Gah sền gròi ai ngui kơrnuat boh lam jơnhua ngan rlau jơh dà lơgar yal jơnau yal bè broă mut lơh jat ală kơrnuat bơh Gơnoar ala mat dà lơgar dê bè broă lơh sền gròi tơngume, broă lơh lùp jơnau bơh bồ tơngai lơh broă kơnă 13 tus nam 2015.

                                                                     Cau cih mờ yal tơngit K’ Duẩn.