VOV4.K’ho – Tơnơ\ rlau dùl nhai lơh broă jơh nùs mờ geh kơnòl, drim òr 23/11, Gơnoar ala mat dà lơgar neh jơh lơh broă lơh broă bơh pơrjum dơ\ 2 dê. Đơs tàm dơ\ tơn jơh pơrjum, mò Nguyễn Thị Kim Ngân, Kuang atbồ Gơnoar ala mat dà lơgar, đơs là: Gơnoar ala mat dà lơgar neh tơngo\ nùs nhơm tam gơl pa, tam klac, bơceh pa, lơh broă tài bơta kuơ bơh làng bol mờ bơh dà lơgar dê, song dơ pă cribơyai, tă pơgồp uă jơnau đơs yal wơl bơta kơlôi sơnơng, jơnau kơ\p kờn bơh cau te\ khà mờ làng bol gùt lơgar dê tàm broă lơh bơ\t bơtàu adat boh lam, lơh nền ală bơta dờng màng bơh dà lơgar dê mờ gròi sền dờng ngan rlau jơh. Tàm dơ\ pơrjum do, Gơnoar ala mat dà lơgar neh ring bal ală Kơrnoat bè Broă rơndăp lơh rơndăp tăp sèng wơl rài lơh sa tơngai bơh nam 2016- 2020, Broă rơndăp lơh priă jền 5 nam, Broă rơndăp lơh bơcri priă dà lơgar di mơ tơngai, tơngai bơh nam 2016- 2020, Broă rơndăp lơh bơtàu tơnguh lơh sa- mpồl bơtiàn nam 2017, lơh nền kờp du\ lài kes priă dà lơgar mờ tam pà kes priă dà lơgar nam 2017. Gơnoar ala mat dà lơgar neh lời uă ngan tu\ jiơ sền sơ wì, ring bal 3 adat, 11 kơrnoat mờ tă pơgồp jơnau đơs bè 14 rơndăp lơh adat ndai. Bơh dơ\ lùp mờ iat hơ jơnau lùp, ală mpồl broă geh Gơnoar ala mat dà lơgar sac rwah dipal mờ bơta geh ngan, geh cau te\ khà, mờ mpồl bơtiàn tàm gùt lơgar sền gròi, đơs niam ngan; song dơ pă yal ală bơta ờ hềt pràn jak, sồr lơh loh kơnòl mờ geh broă lơh bơsong tàm broă lơh kă bro mờ lơh sa mờ măy mok, phan geh is, tiah ơm kis, bơto bơtê, mờ broă dơlam is.

Cau cih mờ yal tơngi\t- Lơ Mu K’ Yến