VOV4.K’ho – Tàm dơ\ lơh broă drim òr 8/4, mờ uă ngan sră ring bal, Gơnoar ala mat dà lơgar neh pờ tê ring bal kơrnoat pồ mò Đặng Thị Ngọc Thịnh at gơnoar broă Kuang jat jơng atbồ lơgar; pồ ồng Nguyễn Hoà Bình at gơnoar broă Kuang atbồ Anih cah r`a jơnhoa hơđang rlau jơh dà lơgar; pồ ồng Lê Minh Trí at gơnoar broă Kuang atbồ Anih sền gròi ai ngui kơrnoat boh lam jơnhoa hơđang rlau jơh dà lơgar. Mờ 91% sră ring bal, Gơnoar ala mat dà lơgar neh pồ mò Đặng Thị Ngọc Thịnh kuang geh jơng tàm Mpồl duh broă đơng lam Đảng dà lơgar kơnă XII, kuang jat jơng atbồ Cơldu\ lơh broă Đảng dà lơgar, Kuang bàng Gơnoar ala mat dà lơgar kơnă XIII at gơnoar broă Kuang jat jơng atbồ lơgar; mờ 95% tàm kờp jơh khà kuang bàng Gơnoar ala mat dà lơgar ring bal, Gơnoar ala mat dà lơgar neh pồ ồng Nguyễn Hoà Bình kuang đơng lam Đảng dà lơgar kơnă XII, kuang bàng Gơnoar ala mat dà lơgar kơnă XIII at gơnoar broă Kuang atbồ Anih cah r`a jơnhoa hơđang rlau jơh dà lơgar; mờ sră pồ 63% tàm kờp jơh khà kuang bàng Gơnoar ala mat dà lơgar ring bal, Gơnoar ala mat dà lơgar neh pồ ồng Lê Minh Trí kuang geh jơng tàm Mpồl duh broă đơng lam Đảng dà lơgar kơnă XII, Kuang jat jơng atbồ Mpồl dong broă dà lơgar at gơnoar broă Kuang atbồ Anih sền gròi ai ngui kơrnoat boh lam jơnhoa hơđang rlau jơh dà lơgar. Tơnơ\ tu\ Gơnoar ala mat dà lơgar ring bal kơrnoat tơn, jat jơnau cih bơh Sơnoa boh lam nam 2013 dê, ồng Nguyễn Hoà Bình kuang atbồ Anih cah r`a jơnhoa hơđang rlau jơh dà lơgar neh yal bơr guh at gơnoar broă…

Cau cih mờ yal tơngi\t- Lơ Mu K’ Yến