VOV4.K’ho – Pơn jat tai dơ\ lơh broă tàm pơrjum dơ\ 10, Gơnoar ala mat dà lơgar kơnă 13, mho òr 25/11, mờ uă kuang bàng pờ tê ring bal, Gơnoar ala mat dà lơgar ring bal adat ku\p ing, jàm ing. Adat ku\p ing, jàm ing tam gơl wơl bơta gơ rềng đah ală anih lơh broă geh gơnoar tàm broă atbồ ku\p ing, jàm ing; kờ` sền gàr gơnoar kòn bơnus tàm ku\p ing, jàm ing; mu\t lơh niam gùng dà broă lơh tus mờ cau gơtìp ku\p ing, jàm ing, bơsong geh ală kal ke, kòl yan, bơta gam gơkòl, ờ hềt niam tàm broă lơh ku\p ing, jàm ing gam ngui tu\ do. Tàm hơ\, pal sền ngac ngan là Adat ku\p ing, jàm ing neh bơtơl ală jơnau cih pa bè gơnoar mờ kơnòl bơh cau gơtìp ku\p ing, jàm ing pơndrờm mờ jơnau cih bơh kơrnoat boh lam gam ngui tu\ do dê. Jat hơ\, cau gơtìp ku\p ing, jàm ing geh gơnoar: Geh sền gàr ờdo ờdă màng kis, jơtài, kham sơm kòp, sền dờng màng să ja` mờ rài kis; geh mblàng yal ală gơnoar mờ kơnòl he dê, bơta pal jat anih ku\p jàm…Mờ cau gơtìp ku\p ing, jàm ing geh kơnòl lơh jat kơrnoat, jơnau sồr, bơto pơlam bơh anih lơh broă, cau geh gơnoar atbồ, lơh jat kơrnoat ku\p jàm; lơh jat jơnau cih bơh Adat do dê mờ jơnau pal jat bơh anih krơ\ jàm dê.

Cau cih mờ yal tơngit- Lơ Mu K’ Yến