VOV4.K’ho – Drim òr ( 18/6), mờ 87% khà kuang bàng ringbal, Gơnoar ala mat dà lơgar neh ringbal kơrnuat bè broă lơh sền gròi bơh Gơnoar ala mat dà lơgar nam 2016 mờ cribơyai bè rơndap adat tă priă. Jat kơrnuat pa geh ringbal, nam 2016, Gơnoar ala mat dà lơgar sền sơwì cribơyai jơnau yal broă lơh gùt tơngai lơh broă kơnă 13 bơh Gơnoar ala mat dà lơgar, Kuang atbồ lơgar, Anih duh broă sùm Gơnoar ala mat dà lơgar, kuang gơs gơnap gơnoar atbồ hơđang rlau jơh dà lơgar, kuang atbồ Anih cah rơ`a jơnhua ngan rlau jơh dà lơgar, kuang atbồ anih sền gròi mut ngui kơrnuat boh lam jơnhua ngan rlau jơh dà lơgar, Đah kờp du\ tă ngui dơ\ priă jền dà lơgar; sền sơwì cribơyai jơnau yal cồng nha sền gròi broă bơsong jơnau dan bơh cau te\ khà dê; sền sơwì jơnau yal cồng nha broă lơh te\ khà kuang bàng Gơnoar ala mat dà lơgar tơngai lơh broă kơnă 14 mờ mờ kuang ala mat mpồl duh broă ala mat làng bol tơngai lơh broă bơh nam 2016 tus nam 2021; sền sơwì jơnau yal bơh gơnoar atbồ lơgar dê bè rơndap broă bơtàu tơnguh lơh sa mpồl bơtìan 5 nam, bơh nam 2016 tus nam 2021, broă mut lơh rơndap broă lơh sa mpồl bơtìan, kes priă dà lơgar nam 2016. Gơnoar ala mat dà lơgar sền gròi tơngume broă mut lơh broă lơh jơnau kờ` dà lơgar bơt bơtàu [òn lơgar pa ( tơngai bơh nam 2010 tus nam 2015) gơjat bal mờ rơndap tap sèng wơl gah lơh sa suơn sre.

Cribơyai bè rơndap adat tă priă, ală kuang bàng ringbal uă mờ broă pal tơlik adat tă priă kờ` bơsong ờ uă bơta ờ niam tàm kơrnuat boh lam tă priă gam mut ngui tu\ do, drơng di tu\ bơta bơtàu tơnguh lơh sa mpồl bơtiàn, pơn jờng ală mpồl lơh sa tus bal drơng broă ala dà lơgar.