VOV4.K’ho – Ngai òr 25/11, bal mờ khà uă kuang bàng ringbal, Gơnoar ala mat dà lơgar neh pờ tê ringbal ală adat boh lam là Adat lah yă broă lơh tìs phan bơna mờ broă làng bol tam gơl; Adat lah yă tìs broă lơh dà lơgar tam gơl; Adat gùng dà lềng Việt Nam tam gơl; Adat kup ing, jàm ing; Adat sa priă, tă priă mờ Adat lùp jơnau đơs làng bol. Kung tàm ngai òr, Gơnoar ala mat dà lơgar neh pồ ồng Nguyễn Hạnh Phúc lơh kuang atbồ Mpồl dong broă Gơnoar ala mat dà lơgar mơlà kuang atbồ Cơldu\ lơh broă Gơnoar ala mat dà lơgar kơnă 13, mơkung ki\ sră pồ 4 nă kuang jat jơng atbồ mờ 16 nă kuang geh jơng bơh Mpồl duh broă te\ khà dà lơgar. Mpồl duh broă te\ khà dà lơgar neh geh Gơnoar ala mat dà lơgar crơng gơs mờ 21 nă kuang geh jơng. Ồng Nguyễn Sinh Hùng kuang atbồ Gơnoar ala mat dà lơgar lơh kuang atbồ Mpồl duh broă te\ khà dà lơgar. 4 nă kuang jat jơng atbồ là mò Tòng Thị Phóng kuang jat jơng atbồ Gơnoar ala mat dà lơgar, mò Nguyễn Thị Doan kuang jat jơng atbồ lơgar, ồng Nguyễn Xuân Phúc kuang jat jơng gơs gơnap gơnoar atbồ hơđang rlau jơh dà lơgar mờ ồng Nguyễn Thiện Nhân kuang atbồ Anih duh broă gah tề lam gùng dră bal dà lơgar. Ala mat Mpồl duh broă te\ khà dà lơgar, ồng Nguyễn Sinh Hùng ưn ngài bơta pin dờn bơh Gơnoar ala mat dà lơgar dê, jàu kơnòl kuơ màng, hơ geh lơh jơh pràn, lơh jat niam sơnua boh lam mờ kơrnuat boh lam nàng dơ\ te\ khà geh mut lơh di mờ sơnua boh lam mờ kơrnuat boh lam, mơkung kơp kờ` ală kuang bàng, làng bol bal mờ cau te\ khà gùt lơgar dong kờl, sền gròi nàng bơyai lơh geh cồng nha dơ\ te\ khà tàm ngai 22/5/2016.

                                                                 Cau cih mờ yal tơngit K’ Duẩn.