VOV4.K’ho - Tàm bùi lơh broa\ mho òr (2/11), Gơnoar ala mat dà lơgar pơnjat tai geh cri bơyai bè broa\ lơh rơndap wơl lơh sa tơngai bơh nam 2016-2020, cồng nha mut lơh broa\ lơh bơtàu tơngguh lơh sa-mpồl bơtìan nam 2016, broa\ lơh bơtàu tơngguh lơh sa mpồl bơtìan nam 2017.

Ala\ jơnau đơs tàm dơ\ cri bơyai neh bơh sơnrờp ring bal mờ jơnau yal tơnggit bơh Gơnoar atbồ lơgar bè cồng nha mut lơh broa\ lơh bơtàu tơngguh lơh sa mpồl bơtìan nam 2016.

 Đơs niam ala\ lơh ngan bơh Gơnoar atbồ lơgar tàm lam sồr đơng lam, ngan la  mut lơh ala\ broa\ lơh geh lơh niam gah bơcri ka\ bro, bulah bè hơ\, ờ ua\ cau kuang đơs la,  kờ` pal song dơpa\ sền ngan bè ờ ua\ broa\ lơh lơh ờ gơs, bè khà geh bơh GDP, gơguh pria\ tơlik tac phan mờ lơgar cau, ta\ dia dà lơgar gơtìp kal ke, dồs dà lơgar jơnhua mờ bơta gơbàn bơklơn ngan tơm dồs ua\, kờ` geh gùng  dà broa\ lơh di pal tàm nam 2017 mờ ala\ nam pơnjat tai.

Ala\ cau kuang kung geh đơs bơta ờ suk ngan bè dồs dà lơgar gơguh ua\, bơta bơklơn tơm dồs dờng, mpồl lơh sa ka\ bro dà lơgar lơh sa ờ geh cồng,  ua\ dồs, atbồ phan  bơna dà lơgar gơbàn hòac hươr.

Kung tàm dơ\ cri bơyai mho òr, ồng Nguyễn Xuân Cường kuang atbồ gah lơh broa\ sa mờ bơtàu tơgguh [òn lơgar dà lơgar neh mblàng yal,  đơs geh ala\ broa\ lơh rơndap wơl broa\ lơh sa suơn sre tàm tơngai tus.

                             Cau cih mờ yal tơnggit K’ Brọp