VOV4.K’ho –Ngai òr 27/11, tàm hìu lơh broă Gơnoar atbồ lơgar, ồng Nguyễn Tấn Dũng kuang gơs gơnap gơnoar atbồ hơđang rlau jơh dà lơgar neh đơng lam pơrjum Gơnoar atbồ lơgar ờs mờng nhai 11 iat jơnau yal mờ cribơyai bè bơta lơh sa mpồl bơtìan nhai 11 mờ 11 nhai nam 2015, bơta mut lơh jat kơrnuat sồ 1 bơh Gơnoar atbồ lơgar dê mờ ờ uă tơngume kuơ màng ndai..

Đơs tơn jơh pơrjum, ồng Nguyễn Tấn Dũng đơs, cồng nha lơh geh là pal chờ hờp ngan tàm tu\ rài lơh sa pal kong mờ uă kal ke, bơta lòng mờ dilah ờ geh bơta lơi tam gơl den digơlan khà bơtàu tơnguh uă rlau 6,5% tàm nam do. Ồng Nguyễn Tấn Dũng sồr ală gah, sơnah lơh broă dà lơgar, ală càr, [òn dờng pơnjat tai lơh ngan nàng lơh geh cồng nha niam ngan rlau jơh, lơh gơs bơnàng jă nàng mut lơh geh cồng nha kơnòl broă nam 2016 bơh ală ngai sơn rờp, nhai sơn rờp. Lồi nhai 12 tus do, Gơnoar atbồ lơgar geh bơyai lơh pơrjum tàm internet mờ jơh ală 63 càr, [òn dờng tàm gùt lơgar nàng mut lơh kơnòl bơtàu tơnguh lơh sa mpồl bơtìan nam 2016.

                                                     Cau cih mờ yal tơngit K’ Duẩn.