VOV4.K’ho - Mho òr (07/04), tơnơ\ Gơnoar ala mat dà lơgar geh iat Anih duh broa\ sùm Gơnoar ala mat dà lơgar geh jơnau yal cồng nha cri bơyai tàm mpồl bè broa\ tơnjơh  at gơnoar bơh kuang jat jơng atbồ lơgar,  kuang atbồ cah r`a làng bol jơnhua ngan rlau jơh dà lơgar, kuang atbồ gah sền gròi ai ngui kơrnuat boh lam  làng bol jơnhua ngan rlau jơh dà lơgar, Gơnoar ala mat dà lơgar neh bơyai lơh đùh sra\ tơnjơh jơh  at gơnoar broa\ bơh kuang jat jơng atbồ lơgar,  kuang atbồ cah r`a làng bol jơnhua ngan rlau jơh dà lơgar, kuang atbồ gah sền gròi ai ngui kơrnuat boh lam  làng bol jơnhua ngan rlau jơh dà lơgar. Lài hơ\,  tàm dơ\ lơh broa\ drim òr,  sra\ jơnau yal tơnggit bè broa\ sồr Gơnoar ala mat dà lơgar tơnjơh at gơnoar broa\ bơh kuang jat jơng atbồ lơgar tus mờ mò Nguyễn Thị Doan, geh đơs loh: Mò Nguyễn Thị Doan kuang geh jơng mpồl đơng lam atbồ Đảng dà lơgar kơna\ XI geh Gơnoar ala mat dà lơgar pin dờ` pồ wơl lơh kuang jat jơng atbồ lơgar. Tàm tơngai at gơnoar broa\., mò Nguyễn Thị Doan sùm lơh jat broa\ lơh geh jàu. Sơnđìng bơh bơta 88 bơh Sơnoa boh lam lơgar Việt Nam,  sơnđìng bơh bơta 11 adat bơyai lơh Gơnoar ala mat dà lơgar, ai bơh jơnau yal tơnggit  lồi dut sồ 3 bơh gah gùng dra\ bal, ai bơh kơrnuat bơh dơ\ pơrjum Gơnoar ala mat dà lơgar,  kuang atbồ lơgar geh jàu Gơnoar ala mat dà lơgar sền dờp tơnjơh at gơnoar broa\ tus mờ mò Nguyễn Thị Doan.

          Cau cih mờ yal tơnggit K’ Brọp