VOV4.K’ho – Ngai 17/12, Gơnoar ala mat kơnă dà lơgar Tây ring bal mờ bơta ring bal uă ngan Jơnau pơrgon cau lơh broă bal mờ tam klac lơh broă bal tơl làm đah Việt Nam mờ Mpồl tam klac châu Âu (EU) đơs bal là PCA. Jơh ală jơnau đơs tă pơgồp tàm dơ\ pơrjum ndrờm dùl nùs ring bal đơs là, broă chul chồl bơta gi\t gơ\p mờ Việt Nam geh gơnoar broă kuơmàng ngan tus mờ lơgar Tây mờ EU; mờ kờn pal gờn ring bal nàng mu\t lơh Jơnau pơrgon do. Đơs sơnđờm dơ\ pơrjum, ồng Annick Ginardin Kuang atbồ lơh kơnòl broă bơtàu tơnguh mờ dà đơs lơgar Tây dê mờ ồng Helene Con way- Mouret kuang bàng Gơnoar ala mat kơnă dà lơgar Tây là cau mblàng lơh kơnòl broă lơh sră nggal bè Jơnau pơrgon PCA Việt Nam mờ EU bơh anih duh broă mờ lơgar ndai, sền gàr dà lơgar mờ ală mpồl phàu crong lơgar Tây dê neh đơs tờm ală bơta kuơ bơh lơgar Tây dê đơs is mờ EU dê đơs bal tàm broă chul chồl gi\t gơ\p mờ Việt Nam; bơta kuơmàng mờ cồng nha bơh tam klac lơh broă bal mờ Việt Nam kung bè bơta kuơmàng chul chồl gi\t gơ\p tam klac bal uă rlau tai, kuơmàng tơnơ\ tu\ Tây mờ Việt Nam neh ki\ gi\t gơ\p cau lơh broă bal dờng màng tàm nam 2013.

Cau cih mờ yal tơngi\t- Lơ Mu K’ Yến