VOV4.K’ho – Drim òr 28/12, tàm Hà Nội, Anih duh broă chài rơgơi, bơto bơtê, ơruh pơnu, kơnòm pa tàu mờ kơnòm dềt Gơnoar ala mat dà lơgar dê bơyai lơh dơ\ mblàng bơh Gơnoar atbồ lơgar dê tềng đap Anih duh broă bè cồng nha ală rơndăp broă lơh bơcri priă ngui priă ODA mờ priă broă lơh jơnau kờn dà lơgar tàm broă bơto bơtê mờ bơsram. Tàm dơ\ mblàng, ală jơnau ờ hềt niam, gam gơkòl tàm broă lam sồr, gơhòi gơ jà mờ ngui priă jền ai ală broă lơh, rơndăp broă lơh ODA mờ rơndăp broă lơh gơ wèt Broă lơh jơnau kờn dà lơgar tus mờ bơto bơtê mờ bơsram geh ală kuang bàng mblàng, đơs loh. Tàm hơ\, ală kuang bàng đơs tờm tus bơta bàr pe tiah ngui priă jền ờ dipal ờ di broă, khat gơboh is tam gơl priă jền bơh rơndăp broă lơh do tus rơndăp broă lơh ndai halà tam pà dềt tơl broă lơh, rơndăp broă lơh gơlam tus cồng nha lơh geh ờ uă; bơta ờ niam bơh ală mpồl atbồ rơndăp broă lơh ODA bơh Dà lơgar tus ală càr, [òn dờng, lơh gơbàn hoàc hươr bè priă jền.

Cau cih mờ yal tơngi\t- Lơ Mu K’ Yến