VOV4.K’ho - Drim òr (01-09-2015), tàm hìu lơh broa\ Gơnoar atbồ lơgar, ồng Nguyễn Tấn Dũng kuang gơs gơnap gơnoar atbồ hơđang rlau jơh dà lơgar neh đơng lam dơ\ pơrjum gơnoar atbồ lơgar bè ờs nhai 8. Jat jơnau yal bơh dơ\ pơrjum: 8 nhai do,  lơh sa lơgar he neh gàr niam, khà sồ ngui dơ\ gơguh ờ hềt tus 1%. Pria\ ai càn gơguh jơnhua rlau mờ bal tu\ mờ nam lài,  pria\ cồng geh gàr tàm khà niam, khà pria\ bơh Việt Nam geh rơndap niam rlau. Gàr geh khà ta\ dia bơh dà lơgar, ngan la  ta\ dia tàm dơlam lơgar gơguh 16,5% pơndrờm mờ bal tu\ mờ nam lài. Jat ala\ cau tus pơrjum, bal mờ ala\ cồng nha lơh geh gam ua\ ngan kal ke, bơta lòng: Pria\ zờu, phan bơna dunia gơmù ua\, bal mờ bơta gơbàn kal ke bơh drà pria\ jền dunia tơnơ\ tu\ lơgar Lo tơmù khà pria\  Nhân dân tệ, neh gơbàn aniai  tus rài lơh sa lơgar he.  Gah lơh sa suơn sre mờ phan tàm dà gam gơtìp ua\ ngan kal ke bơh trồ tiah aniai,  trồ prang, dà ko\ dà cò, ala\  kal ke bè drà ka\ bro mờ pria\ tơlik tac phan mờ lơgar cau…neh lơh tơmù pria\ geh bơh tơlik tac phan mờ lơgar cau bơh ala\ mpồl lơh sa ka\ bro,  gơ jat bal la geh lơh aniai tus cau lơh broa\ sa mờ bơta ờ do ờ da\ bal bơh rài lơh sa.

                                                          Cau mblàng K’ Brọp.