VOV4.K’ho - Ngai òr (29/01), tàm Hìu lơh broa\ Gơnoar atbồ lơgar, ồng Nguyễn Tấn Dũng kuang gơs gơnap gơnoar atbồ hơđang rlau jơh dà lơgar đơng lam dơ\ pơrjum Gơnoar atbồ lơgar bè ờs nhai 1.

            Ala\ kuang geh jơng tàm Gơnoar atbồ lơgar geh lơh ngan  geh ai jơnau đơs  bè bơta lơh sa mpồl bơtìan nhai 1 nam 2016 mờ bơta mut lơh  jat kơrnuat sồ 01 bơh Gơnoar atbồ lơgar bè kơnòl, broa\ lơh tờm ngan lam sồr, đơng lam mut lơh broa\ lơh bơtàu tơngguh lơh sa-mpồl bơtìan mờ kờp du\ pria\ jền dà lơgar nam 2016. Tơnơ\ geh iat ala\ jơnau đơs ta\ pơ gồp  bơh ala\ kuang geh jơng tàm Gơnoar ala mat dà lơgar, ồng Nguyễn Tấn Dũng neh sồr ala\ kuang atbồ Gah broa\ lơh, atbồ gah pơnjat tai geh sền jat  gơbàn ngan bơh bơta lơh sa mpồl bơtìan dunia mờ tàm lơgar nàng geh tam dra\ mờ geh broa\ lơh bơsong mo di pal mờ nùs nhơm lơh ngan geh cồng nha jơnhua ngan ala\  khà broa\ lơh, broa\ lơh geh ai tơlik tàm nam 2016. Kuang gơs gơnap gơnoar atbồ hơđang rlau jơh dà lơgar sồr ala\  kuang geh jơng tàm gơnoar atbồ lơgar ngan ngồn la ala\ kuang atbồ gah broa\ lơh dà lơgar pal rcang niam ala\ bơta kờ` ngan nàng gơ rờm bal,  di pal ala\ bơta pơrgon dunia mờ geh ngui tu\ geh mờ ala\ kơrnuat ka\ bro khat gơboh rnàng pa gơ kèng wơl. Ồng Nguyễn Tấn Dũng kung tơng kah ala\ gah, sơnah lơh broa\ tơngguh broa\ lơh sền gàr niam  tus làng bol  sa tềp  dà lơgar niam, ờ do ờ da\, tềm pềr.

                   Cau cih mờ yal tơnggit K’ Brọp