VOV4.K’ho – Drim òr, 29/10, Gơnoar atbồ lơgar pơrjum ờs mờng, sền mờ đơs bè bơta lơh sa mpồl bơtìan nhai 10 mờ bơh bồ sơnam tus tu\ do. Yal tàm dơ\ pơrjum, Gah rơndap broă mờ bơcri priă dà lơgar pà git, khà ngui sa nhai 10 gơguh 0,11% tơnơ\ 2 nhai gơmù sùm, den tàng khà ngui sa nam do geh kờp du\ lài kung gam gơguh mờr 2%. Tàm gah priă jền, khà gơguh jơngkah dồs càn priă pơnjat tai gơguh jơnhua rlau mờ khà gơguh priă pơyua. Gơ rềng tus gơ hòi priă bơcri tơn bơh lơgar ndai, tàm nhai 10 priă bơcri tơn bơh lơgar ndai geh uă bè priă mut lơh bal mờ priă cih mat bơcri. Gah rơndap broă mờ bơcri priă dà lơgar đơs tờm, bơta bơtàu tơnguh wơl bơh rài lơh sa dê geh tơnggo\ loh làng jat bơta bơtàu tơnguh tàm 3 gah là lơh sa mờ mai\ mok – bơt bơtàu, lơh sa suơn sre – brê bơnơm – phan tàm dà mờ gah broă drơng ala. Ngan là gah lơh sa mờ mai\ mok lơh geh khà bơtàu tơnguh uă ngan rlau jơh. Bơdìh mờ ală cồng nha neh lơh geh, rài lơh sa kung gam uă kal ke, bơta lòng. Hơ\ là khà priă zờu mờ tơlik tac phan lơh gơs bơh suơn sre hờ lơgar ndai gờmu uă, neh aniai tus rài lơh sa mờ tă dia dà lơgar.

                                                     Cau cih mờ yal tơngit K’ Duẩn