VOV4.K’ho - Tàm ntum Bảo Thuận, kơnhoàl Di Linh, càr Lâm Đồng, làng bol kòn cau K’ho geh tus 90% khà kờp làng bol. Nam 2015, gùt ntum mìng gam 25 hìu nhă rơbah, den tàng wă rò sa tềp bơhìan, làng bol neh rơcang lài chờ hờp sơnam pa tơl làm mờ hờm ram ngan. Ồng K’ Bril, kuang jat jơng atbồ anih duh broă làng bol ntum Bảo Thuận pà git, mờ gùng dà broă lơh ờ lời 1 hìu nhă lơi ờ geh sa tềp, ngan là gơ wèt mờ ală hìu nhă làng bol kòn cau rơbah, gơnoar atbồ ntum neh kờp tơr gùm, cih mat mờ geh jơnau dan mờ kơnhoàl nàng dong kờl di tu\: “ Mpồl Đảng mờ anih duh broă sền gròi ngan, ờ lời làng bol gơbàn jơgloh tàm dơ\ sa tềp. gơ wèt mờ cau rơbah, broă lơh dà lơgar dê là geh dong kờl priă sa tềp làng bol in. ai ală hìu nhă jơgloh, pah nam, gơnoar atbồ ntum geh kờp tơr gùm mờ cih mat, dan dà lơgar dong kờl phe, uă phan ndai. Bal mờ hơ\ gam pà phan sa tềp hìu nhă geh sră dong kờl bơh dà lơgar, priă sa tềp ai hìu nhă rơbah in nàng làng bol sa tềp chờ hờp.”

                                                                Cau cih mờ yal tơngit K’ Duẩn.