VOV4.K’ho- Pơgăp mờ do 75 nam, tơnơ\ dơ\ tam lơh pha lin bơh Kăc màng Nhai phàm dê, ngai 2 nhai 09 nam 1945, ala măt Chính phủ ing, Chủ tịch Hồ Chí Minh neh sền sră Yal bơr Lơngăp lơngai is tềng đăp làng bol gùt lơgar, crơng gơs sơnđan măt dà lơgar Việt Nam dân chủ Cộng hoà. Tàm sră Yal bơr ờ tu\ lơi chơ\t hơ\, Chủ tịch Hồ Chí Minh ờ mìng đơs nền gơnoar kòn bơnus, gơnoar jơi bơtiàn lơngăp lơngai is mờ gam ơn prăp bềng ală bơta kuơ tu\ tơngai dờng ngan, geh sền là sră yal bơr gơnoar kòn bơnus bơh ală jơi bơtiàn gơtìp bol sò tơm sơgràm phà tàm gùt dunia dê.

Hìu sồ 48, gùng drà Hàng Ngang, [òn dờng Hà Nội là tiah Bác Hồ cih Sră Yal bơr Lơngăp lơngai is tàm ngai 28/8/1945. Mìng mờ 1 rbô akhar lơm, mơya, do là dùl sră nggal kah yau, sră nggal kơrnoăt boh lam lơyah, jrô ơnàng, geh cờng tàng adat boh lam kơ\ kơl jăp, ờ go\ di mìng đơs nền gơnoar tờm dà lơgar mờ gam pờ tơlik dùl rài pa bơh jơi bơtiàn dê.

Tàm ală sèng bơh sơnrờp, Chủ tịch Hồ Chí Minh yal wơl ală sră Yal bơr Lơngăp lơngai is bơh lơgar Mỹ dê mờ Yal bơr bè Gơnoar kòn bơnus gơnoar làng bol bơh lơgar Tây dê đơs nền: “Jơh tơl nă cau geh deh ndrờm geh gơnoar ring bal”. Chủ tịch Hồ Chí Minh neh jăt tàm cơng tàng hơ\, mơya kơlôi jrô rlau tus gơnoar kòn bơnus gơ jăt bal kơ\ kơl jăp ngan mờ gơnoar jơi bơtiàn, gơnoar lơh nền is bơh jơi bơtiàn dê, gơnoar lơngăp lơngai is, khăt gơboh is bơh jơi bơtiàn Việt Nam dê. Phó Giáo sư, Tiến sĩ ồng Bùi Đình Phong, Cau pơgru dờng bơh Hìu bơsram Chính trị dà lơgar Hồ Chí Minh mblàng sền, bè do: Chủ tịch Hồ Chí Minh neh pơgồp bal 2 gơnoar tờm ngan, hơ\ là gơnoar lơngăp lơngai is bơh jơi bơtiàn dê mờ gơnoar khăt gơboh is bơh kòn bơnus dê nàng gơ gơs là dùl gơnoar tờm bơh jơi bơtiàn dê. Tơngume gơnoar tờm bơh jơi bơtiàn dê hơ\ là lơngăp lơngai is gơnoar tờm ù tiah dà lơgar, tơrgùm mờ tơl làm ù tiah dà lơgar. Jơnau hơ\, Bác Hồ đơs bơh nam 1945 mơya tus 15 nam tơnơ\, Liên hợp quốc hơ\ sồng lơh geh dùl kơrnoat bè jàu wơl lơngăp lơngai is ai ală jơi bơtiàn in. Tus nhai 12 nam 1970 den Liên hợp quốc geh tai dùl kơrnoat nàng đơs nền là pal lơh jăt gơnoar hơ\.

Chủ tịch Hồ Chí Minh sền sră cih jơnau Yal bơr Lơngăp lơngai is (rùp wăc)

Jăt Chủ tịch Hồ Chí Minh, gơnoar kòn bơnus mờ gơnoar jơi bơtiàn geh gơdờp bal mờ gơ\p. Jơi bơtiàn lơngăp lơngai is là bơta pal geh lài ngan nàng gơtùi lơh geh gơnoar kòn bơnus mờ sơlơ\u wơl lơh jăt niam gơnoar kòn bơnus gơlik wơl là ngui niam ală bơta kuơ dờng màng mờ geh kuơ ngan ngồn bơh lơngăp lơngai is jơi bơtiàn dê. Tàm bơnah tơnơ\ bơh sră cih jơnau Yal bơr Lơngăp lơngai is dê, Chủ tịch Hồ Chí Minh neh tơngo\ gơnoar jơi bơtiàn ring bal mờ tơl nă làng bol Việt Nam geh gơnoar geh dờp bè dùl bơta pal geh ngan ngồn. Giáo sư, Tiến sĩ ồng Tạ Ngọc Tấn, Phó Chủ tịch Hội đồng Lý luận dà lơgar đơs là: Gơnoar geh kis tàm bơta ring lơngai hơ\ là lơh ngan pơđơl pràn tàm pơgơl mờ ntìng mờ mhàm, bồ tơngoh jak bơh ală rơnàng ồng pàng lòt lài dê. Tu\ geh bơta lơngăp lơngai is khăt gơboh is den Bác Hồ đơs: Tu\ dà lơgar geh bơta lơngăp lơngai is khăt gơboh is mờ làng bol ờ geh chờ hờp den lơngăp lơngai is khăt gơboh is hơ\ ờ go\ lơh bơta lơi ờ. Nàng lơh jăt jơnau mờ Bác Hồ dê kơ\p kờ`, hơ\ là jơh ală tu\ tơngai lơh ngan ờ glar bòl, dờng màng ngan bơh Đảng, bơh jơi bơtiàn dê.

Bơtòm tơrgùm bơh nùs nhơm dê, bồ tơngoh mờ kơ\p kờ` ngan lơngăp lơngai is, khăt gơboh is; kơ\ nùs tam lơh ai lơngăp lơngai is, khăt gơboh is bơh làng bol Việt Nam dê, Yal bơr Lơngăp lơngai is neh đơs nền gơnoar king cru\ ngan, ờ rơgơi sơgràm phà bơh jơi bơtiàn Việt Nam dê, bồ tơngo\ kră kơldang bè lu\ bè liang ờ geh bơta lơi jai rơngô geh bơh làng bol Việt Nam dê. Tiến sĩ mò Phạm Thị Thu Hương, lài do là Phó Kuang ătbồ Bảo tàng Hồ Chí Minh, đơs nền: Chủ tịch Hồ Chí Minh đơs là: Tơl nă làng bol ndrờm geh gơnoar kis, ndrờm geh gơnoar khăt gơboh is, gơnoar jòi bơta chờ hờp. Hơ\ kung là jơnau kờ` wèt tus bơh jơh ală lơgar tàm dunia dê ờ go\ di mìng is Việt Nam lơm ờ. Bal mờ gơnoar kòn bơnus mờ nàng lơh geh gơnoar kòn bơnus ai làng bol in den Dà lơgar, Chính phủ kung pal geh ală broă lơh ndrờm bè hơ\ sơl. Hơ\ là broă bơ\t bơtàu dùl Dà lơgar gơnoar kơrnoat boh lam xã hội chủ nghĩa làng bol dê, tài làng bol mờ bơh làng bol. Hơ\ kung là nùs nhơm mờ đảng he dê gam kơlôi tus.

Hìu sồ 48, gùng drà Hàng Ngang, [òn dờng Hà Nội (Rùp lời kir sơnrai)

75 nam tơnơ\ ngai Chủ tịch Hồ Chí Minh sền sră cih jơnau Yal bơr Lơngăp lơngai is, kuơmàng là tơnơ\ mờr 35 nam dà lơgar tam gơl pa, tơl nă làng bol Việt Nam sơlơ gi\t wa\ jrô rlau bơta kuơ bơh bơta lơngăp lơngai is, khăt gơboh is dê; bơta kuơ dờng màng ngan mờ jrô ơnàng ngan tàm bồ tơngoh Hồ Chí Minh bè gơnoar kòn bơnus mờ gơnoar bơh tơl jơi bơtiàn dê. Hơ\ kung là jơnau kờ`, bơta jòi mờ jơh ală jơi bơtiàn, dà lơgar tàm dunia ndrờm wèt tus.

Cau cih Lại Hoa (VOV)- Cau mblàng Lơ Mu K’Yến