VOV4.K’ho - Gơnuar ala mat dà lơgar châu Âu ngai do neh đùh sră ringbal ală broă lơh, dong sơ lơ tơnguh broă lơh ngan tàm tơngume mpồl tam klac châu Âu tam dră mờ rài sò tơm iơh bơsak, tàm tu\ gam gàr bè ờs gơnuar is bơh ală lơgar dê. Ală broă lơh sơndră bol sò tơm iơh bơsak geh đơs tus tàm kơrnuat, tàm hơ\ geh sơ lơ sền gàr ngap lơngai tàm tiah nhàr lơgar, tam gơl niam broă tam klac mờ tam pà jơnau yal tơngit, dong sền gàr làng bol tềng đăp ală jơnau pơhìn sò tơm iơh bơsak. Kơrnuat kung đơs tờm tus broă kuơ màng tam dră mờ ală bơta pơhìn gam ngai sơ lơ gơguh uă, tu\ ală cau châu Âu rê wơl hờ lơgar tơ nơ\ mờ tu\ geh pơlam tàp tài ală mpồl sò tơm iơh bơsak tàm lơgar ndai. Tàm jơnau geh tơlik lài hơ\, geh pơgap 4 rbô nă cau châu Âu gam ơm tàm lơgar Syria mờ Iraq. Jơnau sồr kung geh bal mờ broă tus bal uă gah tàm dơ\ tam lơh tam dră mờ rài duh nùs, mờ broă lơh bơcri tàm gah bơto bơsram, kơryan bơta dong kờl priă jền ală mpồl sò tơm iơh bơsak in.