VOV4.K’ho -  Pơnjat tai  dơ\ broă lơh, drim òr 11/03, anih duh broă sùm gơnuar ala mat dà lơgar ai jơnau đơs bè ală sră yal bơh gơnuar atbồ lơgar dê bè rơndap broă crơng gơs, bơ song nhàr ù tiah hơ đơm kơnă càr. Do là dơ\ sơn rờp anih duh broă sùm gơnuar ala mat dà lơgar mut lơh gơnuar do jat sơnua boh lam nam 2013. Anih duh broă sùm gơnuar ala mat dà lơgar neh pờ tê ringbal rơndap broă mờ 100% kuang bàng geh mat ringbal bè 4 rơndap broă : Crơng gơs [òn drà Đông Triều, càr Quảng Ninh; [òn drà Điện Bàn, càr Quảng Nam; [òn dờng Bắc Kạn, càr Bắc Kạn mờ crơng gơs pa kơnhòal Ia H’Drai càr Kon Tum. Bè gùng dà broă lơh crơng gơs kơnhòal Ia H’Drai, càr Kon Tum, ală jơnau đơs tàm anih duh broă sùm gơnuar ala mat dà lơgar ringbal mờ nùs nhơm bơh anih duh broă kơrnuat boh lam dê đơs là, broă crơng gơs pa kơnhòal Ia H’Drai geh bă ù ơnàng, ơm tàm bă tiah geh bơngă kuơ màng bè sền gàr ngap lơngai, sền gàr dà lơgar, kung bè geh bơta pràn bơtàu tơnguh lơh sa den broă crơng gơs do là kuơ màng. Do la tiah geh uă làng bol kòn cau ơm kis bơh jo\.