Gơnuar atbồ lơgar Mỹ ngai òr nao 05/01  yal bơr, ling lơgar do sơn đờm pơlam tàp ling lơgar Iraq in tàm 2 pôs ling kờ` sơ lơ tơnguh bơta pràn tam lơh tam dră mờ mpồl ling lềng dà lơgar Islam. Tàm pôs ling rơndeh par tàm càr Anbar, tiah đah mattơngai mut lơgar Iraq, pơgap 320 nă ling dà lềng tam lơh đang gờl lơgar Mỹ gam pơlam tàp mpồl ling sồ 7 lơgar Iraq in, là mpồl ling tờm ngan tam lơh mờ mpồl ling lềng. Pơgap 170 nă ling di mpồl ling tam lơh đang ù gờl sồ 1 lơgar Mỹ dê kung sơn đờm pơlam tàp 4 mpồl ling sền gàr ngap lơngai tàm 1 pôs ling bơdìh càr lơgar Baghdad. Jat rơndap broă bơh kuang atbồ lơgar Mỹ dê yal tàm lồi nam lài, Mỹ geh tơnguh uă rlau 2 dơ\ ling tàm lơgar Iraq, tus 3 rbô nă, tàm hơ\ uă ngan tus bal pơlam tàp tam lơh 9 mpồl ling lơgar Iraq mờ 3 mpồl ling cau Kurd in.