VOV4.K’ho- Ồng Tạ Thanh Tình, Kuang ătbồ Chi cục ătbồ gùng ù III pà gi\t, tài bơh mìu dờng jo\ jòng sùm uă ngai do, tàm 2 gơl gùng Rơndeh dờng 27C (gùng bơh Nha Trang lòt tus Dà Làc) mờ Gùng rơndeh dờng 26 lòt tus Dăk Lăk gơtìp tơrlah uă ngan, lơh broă lòt rê kal ke. Tàm gùng Nha Trang- Dà Làc, 2 anih lơh gùng bơh ală cau tờm lơh gùng dê neh geh sồr tus lơh broă nàng cho\ kùai jơh ù lu\ tơrlah. Geh pơgăp rlau 10 anih gơtìp tơrlah bal mờ bơnah ù lu\ gơguh tus 18 rbô khối. Ai tàm gơl gùng rơndeh 26 gùng lòt tus Dăk Lăk tàm mang ngai 30/11, Chủ tịch Ủy ban Nhân dân kơnhoàl M’Drăk, càr Dăk Lăk là ồng Phạm Ngọc Thạch pà gi\t, mìu dờng jo\ jòng sùm tàm ală ngai do neh lơh gơlik dơ\ tơrlah ù tàm Kơi sồ 54+350, Gùng rơndeh dờng 26, gơl lòt gan xã Cư Mta, kơnhoàl M’Drăk.

Dùl gơnru ù lu\ pơgăp 1 rbô khối bơh dòr bơnơm kềng gah gùng rơndeh dờng 26 neh tơrlah gơ bồr tơ\p jơh dùl gơl gùng tàm gùng rơndeh dờng do, lơh broă lòt rê gơtìp gơkòl. Tơnơ\ tu\ gơlik geh broă do tơn, Gơnoar ătbồ tàm tiah do neh hòi ală mpồl cau tàm do pơgồp bal mờ Kuang àng càr Dăk Lăk bơyai lơh drơng sền 2 anih tơrlah nàng sồr ală rơndeh ơm wơl mờ dô rê wơl te\, ờ go\ di lòt mu\t tàm tiah tơrlah ù tàm Gùng rơndeh dờng 26.

Cau mblàng Lơ Mu K’Yến