VOV4.K’ho – Rơndap broă lơh gùng dờng đah mat tơngai lik – đah mat tơngai mut tàm [òn dờng Buôn Ma Thuột, càr Dak Lak geh pria\ tă lơh rlau 1 rbô tơmàn đông neh lam lơh 5 nam mơya kung ờ hềt lơh sir sơl. Jơnau gơlik geh bơta do là tài kòl yan tàm broă ai ù. Jat broă rơndap lơh bơh sơn rờp, pria\ tơm wơl ai ù bơh sơn rờp mìng 220 tơmàn đông, tu\ do neh gơguh ua\ rlau 3 dơ\.

Gùng dờng đah mat tơngai lik – đah mat tơngai mut [òn dờng Buôn Ma Thuột, càr Dak Lak jòng mờr 7 kơi sồ, geh anih sơn rờp tàm gơl gùng tàm tìp đah gùng Lê Duẩn mờ gùng Đinh Tiên Hoàng, anih dut ndơl tàm gơl gùng tàm tìp đah gùng rơndeh 27 mờ gùng mut tàm [làng rơndeh par Buôn Ma Thuột. Rơndap broă bơh UBND [òn dờng Buôn Ma Thuột lơh cau tờm bơcri pria\, kờp jơh pria\ tă lơh bơh sơn rờp là 998 tơmàn đong, tàm hơ\ dà lơgar dong kờl 90%, pria\ tă bơh càr dê là 10%. Tài ua\ jơnau, rơndap broă ờ gơtùi lơh sir jat tơngai neh pơrgon bơh sơn rờp là tàm pơgap bơh nam 2015 tus nam 2017, neh pal tam gơl tơngai lơh gơs tus lồi nam 2020. Bulah bè hơ\ tus tu\ do, gùng dờng đah mat tơngai lik – đah mat tơngai mut  [òn dờng Buôn Ma Thuột pa mìng geh gơl tàm nggùl jòng pơgap 4,3 kơi sồ gam lơh ờ hềt sir. Đah 2 anih sơn rờp mờ dut ndơl, jòng 2,6 kơi sồ kung ờ hềt ai ù lơh gùng sơl.

Rơndap broă kung gam gơ kòl tàm 2 anih sơn rờp mờ dut ndơl

Ồng Trương Văn Chính, Kuang atbồ Tiah tờm bơtàu tơnguh khà ù [òn dờng Buôn Ma Thuột, là mpồl geh jàu kơ nòl broă ai ù pà git, geh ua\ ngan bơta kòl yan tàm rơndap broă do, ngan là broă tă pria\ lơh mờ tam gơl broă lơh bè khà pria\ tơm pria\ ai ù: “Ờ niam tài bơh dà lơgar ờ tơl pria\ bơcri, ờ niam tài bơh ai tơlik broă lơh mơya hui\ bơta tàm pơ dờn bơh Kơrnuat sồ 43 gam ờ hềt sir, ờ hềt lơh gơs tus kơrnuat sồ 22. Đơs ngan là tu\ kơrnuat sồ 22 geh ai tơlik den pal geh bơnah cih bè tàm pơ dờn, gơ wèt tus mờ ală seă nggal neh geh ki\ ring bal halà ờ hềt ring bal mơya jat tàm kơrnuat sồ 43 nàng tơm wơl pria\ ai ù mờ rơndap [òn ơm kis pa den tu\ do gam pơn jat tai lơh jat kơrnuat sồ 43, bè hơ\ den hơ\ sồng gơtùi gàr niam bơta ring bal đah ală hìu bơnhă làng bol gơ wèt tus mờ dùl rơndap broă”.

Kung tài bơh jo\ jòng tus 5 nam, mìng is bơnah pria\ nàng ai ù drơng rơndap broă gùng dờng đah mat tơngai lik – đah mat tơngai mut neh gơguh tus ua\ rlau 3 dơ\, bơh 220 tơmàn đong bơh kờp du\ sơn rờp tu\ do neh geh ală anih lơh broă geh gơ noar bơh [òn dờng Buôn Ma Thuột dê pà git là gơguh tus mờr 622 tơmàn đong. Nàng rơndap broă geh pơn jat tai lam lơh, UBND [òn dờng gam dan tam gơl pria\ tă lơh bơh 998 tơmàn đong tus 1 rbô 239 tơmàn đong.

Pria\ tơm ai ù neh gơguh ua\ rlau mờr 3 dơ\

Ồng Đinh Xuân Hà, Kuang atbồ Sở Kế hoạch mờ Đầu tư càr Dak Lak pà git, tàm tu\ kơp pria\ tă lơh bơh dà lơgar dê, den Sở neh cribơyai mờ UBND càr tă ing pria\ bơh kes pria\ càr dê nàng lam lơh rơndap broă gùng dờng đah mat tơngai lik – đah mat tơngai mut: “Bol hi sồr tă lài pria\ bơh kes pria\ càr dê nàng chồl mhar tơngai lam lơh broă lơh. Bơnah broă ai ù den tu\ do UBND [òn dờng Buôn Ma Thuột gam tơrgùm tàm broă crơng gơs broă rơndap lơh mờ ki\ ring bal broă rơndap lơh. Bơh hơ\, càr ai tă lài pria\ bơh kes pria\ càr dê nàng lam lơh broă do, chồl mhar tơngai lam lơh, mhar lơh gơs gùng dờng đah mat tơngai lik – đah mat tơngai mut”.

Ồng Nguyễn Văn Đoan, Phó Kuang atbồ Kong ti cổ phần bơcri pria\ mờ bơt bơtàu 515, mờ là kuang atbồ rơndap broă lơh gùng dờng đah mat tơngai lik – đah mat tơngai mut pà git, broă kuơmàng tu\ do là di tu\ ai ù mờ tă pria\ bơcri nàng lam lơh rơndap broă, kờ` lơh jat di tơngai neh pơrgon mờ bơta niam broă lơh: “Pa do Chính phủ kung neh tă pria\ bơcri. Dilah gơtùi ai ù mhar mờ tă pria\ di tu\ den bol hi hơ pơrgon lơh ngai, lơh mang nàng lơh gơs rơndap broă”.

Phan lơh gùng neh sơn đờm gơtìp sec sa

Iat ală gah geh gơ rềng yal, ồng Phạm Ngọc Nghị, Chủ tịch UBND càr Dak Lak ờ suk: lài do, lơyài ai ù tài bơh ờ tơl pria\. Tus tu\ 225 tơmàn đong bơnah pria\ ờ tơl neh geh Chính phủ tă ai, rlau 3 nhai kung ờ hềt gơtùi tă pria\ den loh làng là tìs bơh cau tờm bơcri pria\ dê. Ală kòl yan, ờ niam gơlik geh bơh broă ai ù tus broă tam gơl pria\ tă lơh, UBND [òn dờng Buôn Ma Thuột mờ ală sở, gah broă lơh geh gơ rềng neh ờ di tu\ yal càr in nàng tă bơsong.

Ồng Phạm Ngọc Nghị sồr pal lam lơh 2 jơnau sồr kươmàng mờ jal mhar ngan rlau jơh tu\ do là rơndap broă khà pria\ tơm ai ù mờ tam gơl pria\ tă lơh nàng pơn jat tai lam lơh rơndap broă: “Tu\ do, tơrgùm bơ tơl ală sră nggal lơi nàng ai ù. Tu\ do sồr khà pria\ ù den geh sră nggal, hơ\ sồng văn phòng cribơyai mơ nàng UBND càr in bơsong tơn. Dơ\ 2 là kờp jơh pria\ tă lơh den pal sền sơ wì wơl là neh tam gơl halà ờ hềt. Tu\ do [òn dờng lơyài den mbè gơtùi UBND càr ring bal”.

Gùng dờng đah mat tơngai lik – đah mat tơngai mut geh pơrya kươmàng ngan tàm broă lơh gơs ală gơl gùng lòt tiah drà tàm [òn dờng Buôn Ma Thuột, lơh jat jơnau kờ` bè gùng lòt jal mhar, pơgồp bơnah crơng gơs tiah drà pa tiah đah mat tơngai lik – tiah đah jum bơh [òn dờng dê. Mơkung ngui niam bơta pràn ù tiah bơh tiah lơh rơndap broă dê, lơh gơlik bơta niam tiah ơm kis tiah drà, lơh gơlik bơta [ươn ai bơtàu tơnguh lơh sa mpồl bơtìan [òn dờng in. Mơya tơnơ\ 5 nam lam lơh, rơndap broă kung ờ hềt lơh gơs sơl, pơn jat tai gơguh pria\ tă lơh mờ ờ hềt git tus tu\ lơi den hơ\ sồng gơtùi lơh gơs.

Cau cih Công Bắc – Cau mblàng K’Duẩn