VOV4.K’ho- Gùng Trường Sơn Đông lòt gan càr Dak Lak sơn đờm bơh kơnhoàl Sông Hinh càr Phú Yên tam tơrbo\ mờ 6 xã bơh 2 kơnhoàl M’Drak mờ Krông Bông tàm tơrbo\ mờ kơnhoàl Lạc Dương càr Lâm Đồng jòng 131 kơi sồ. Bồ nam 2013, dà lơgar bơcri rlau 2 rơbô tơmàn priă nàng lă cài mờ lơh bê tông jơh gùt gơl gùng mờ tơl khà gùng lòt kấp 4. Gơl gùng lòt rê buơn ngan pơgồp bơnah bơtàu tơnguh lơh sa- mpồl bơtìan, kơnơm bơh hơ\ dong ală tiah bơt bơtàu [òn lơgar pa.

Cau ling yau Huỳnh Đắc Cứu 73 sơnam, ơm tàm [òn Trưng, xã Krông Jing, kơnhoàl M’ Drak, là cau să tờm tơn tus bal lơh gùng Trường Sơn Đông tàm rài tam lơh pà g^t, lài do, tài bơh là gùng dềt tơnơ\ geh cò pơn ring gùng lu\ den broă lòt rê kal ke ngan, mơya tu\ do geh lă cài ring niam neh dong broă lòt rê bơh làng bol dê buơn rlau, gùng lòt kă bro ring niam, muh mat [òn lơgar kơnờm bơh hơ\ mờ tam gơl tơl làm. Ồng Huỳnh Đắc Cứu chờ hờp yal wơl:

Bơh tu\ gùng Đông Trường Sơn geh lă cài mờ mut ngui den làng bol lòt rê buơn ngan. Phan lơh bơh suơn sre bơh làng bol dê pơn diang buơn boài, cau kă bro ờ bơklơn khà priă tac mờ sùm tăc geh mờ priă lơh geh ngan ngồn. Làng bol kòp tê jê să lòt dùl ết là tus tơn tàm Hìu sơnơm tiah tờm kơnhoàl nàng sơm kòp ờ duh pal kơlôi tai, oh kòn kòn sau bơsram sră kung buơn ngan coh rơndeh tus tàm hìu bơsram.

Kơnờm geh gùng Trường Sơn Đông lòt gan mờ muh mat [òn lơgar pa tàm kơnhoàl M’ Drak, càr Dak Lak tam gơl tơl làm

Ồng Y Luân Niê, 67 sơnam, ơm tàm [òn Zô, xã Cư Prao, kơnhoàl M’Drak kung là cau sền go\ ală bơta tam gơl pa bơh gùng Trường Sơn Đông cèng wơl ai [òn lơgar in. Ồng pà g^t, tơnơ\ ngai tơngklàs tơrgùm dùl dà lơgar, gùt tiah do ndrờm gơtìp [ồm mền rài tam lơh lơh aniai. Gơnoar atbồ mờ làng bol sơm bat tê bal tàm broă bơt bơtàu wơl rài kis pa mờ broă crơng gơs [òn, lơh hìu đam, lơh ală anih lơh broă, rồ ù lơh sa. Gơl gùng tờm Trường Sơn Đông kung gơtìp lơh tơrlah tơrling uă gơl. Tơnơ\ hơ\ geh cò pơn ring wơl gùng lu\ mơya broă lòt rê bơh làng bol kung gam kal ke sơl. Pah tu\ geh mìu dà ko\ dà cò tiah do sùm gơtìp tam cah is mờ ală xã rềp bal mờ tiah tàm gùl kơnhoàl M’ Drak.

Tus nam 2013, dà lơgar bơcri priă g^t nđờ rơbô tơmàn nàng lă cài, lơh bê tông den broă lòt rê bơh làng bol dê hơ\ sồng buơn boài, lơh sa mpồl bơtìan bơh ală tiah tam gơl tơl làm. Ồng Y Luân pà g^t:

Lài do pah tu\ geh mìu den gùng mbè ngan, kờ` đì rơndeh ma\y pal ơn sreng, ma\y lơ òr halà rơndeh công nông pơn diang tơngời, bùm pal ngui che  nàng du\i. Ờ hềt yal tus dà ko\ dà cò gơlik tàm xã Ea H'Mlây, Cư Prao … gơbàn tam cah is. Bol a` kờ` lòt tus kơnhoàl den pal ngui plung lòt gan tiah kà ko\ dà cò, dilah ờ den ờ gơtùi lòt. Tu\ do, gùng lơh ơning ơnàng, ring niam den tàm tơr bo\ mờ tàm ală thôn, ală xã làng bol lòt rê buơn ngan. Ờ duh pal kơlôi ngơr bam dà tai, pơn diang phan lơh bơh suơn sre kung buơn ngan sơl, rài kis làng bo dê neh tam gơl bloh. Làng bol chờ hờp ngan.

Ală gùng lòt [òn lơgar pa tàm tơrbo\ bal den làng bol lòt rê buơn ngan

Jat ồng Y Bới Byă, Phó chủ tịch UBND kơnhoàl M’Drak đơs, kơnhoàl geh 5 xã ơm jat kềng 2 gah gùng Trường Sơn Đông là: Cư Prao, Ea H'Mlây, Ea Lai, Krông Jing mờ Krông Á. Jơh gùt tiah do geh 52 thôn, [òn mờ 17 jơi bơtìan kòn cau oh mi ơm kis bal.

Bơh tu\ gùng Trường Sơn Đông geh lơh pa, dong broă lòt rê bơh làng bol dê buơn ngan, dong broă lơh sa- mpồl bơtìan tàm kơnhoàl bơtàu tơnguh, khà hìu bơnhă r[ah neh gơmù uă ngan. Broă bơt bơtàu [òn lơgar pa bơh ală xã kờp bal geh 14/19 broă lơh; mìng is xã Ea Lai neh lơh geh 17/19 broă.

Ồng Y Bới pà g^t, kơnờm gùng lòt buơn niam mờ kơnhoàl gam tơrgùm bơt bơtàu ală broă lơh bè bơt bơtàu [òn lơgar pa ai ală xã in, dong ală tiah do gờ` lơh gơs ală broă tàm tơngai tus.

 Mờ 5 xã ơm jat kềng gah gùng Trường Sơn Đông, bol a` gam hòi jà mpồl cau tơr gùm nàng lơh gơs [òn lơgar pa, tàm hơ\ xã Ea Lai lơh gơs sơn rờp tàm nam 2020. Ală xã Krông Á, Krông Jing geh tơr gùm tơl bơta pràn bơcri priă lơh gơs tàm nam 2023. Tàm nam 2030, jơh ală xã gam wơl tàm gùng Trường Sơn Đông geh bơcri priă lơh gơs bơt bơtàu [òn lơgar pa.

Ờ mìng tàm ală kơnhoàl M’Drak, càr Dak Lak tam gơl kơnờm gơl gùng lơm gời mờ jơh bal dùl tiah dờng ơ nàng tàm tiah Tây Nguyên kung geh dờp bơta kuơ sơl

 Gùng Trường Sơn Đông geh lơh bơh tàm rài tam lơh tam dră mờ Mỹ, drơng broă dờng màng pơn diang phan ling klàng in, phan sa, sơnơm tam [a, dong kờl tiah tam lơh đah Jum dà lơgar in, pơgồp uă ngan tàm broă dong klàs jơi bơtìan, tơrgùm dùl dà lơgar. Tus tu\ do, gùng neh geh bơcri priă lơh niam lă cài, lơh jat bơta kuơ dờng màng jơh bal bè broă lơh sa- mpồl bơtìan mờ sền gàr dà lơgar mờ lơngap lơngai dà lơgar dê. Muh mat [òn lơgar pa tiah kơh bơnơm bơh jơh dùl tiah dờng ơ nàng kơnờm bơh hơ\ mờ geh uă bơta tam gơl pa, broă bơt bơtàu [òn lơgar pa bơh ală tiah dê kung geh buơn ngan rlau.

Cau mblàng K’ Hạnh