VOV4.K’ho - Jat mpồl đơng lam rơcang sơndră trồ tiah lơh aniai mờ jòi dong kờl rềs àr càr Daklak, tài trồ tơngai duh sùm tàm poh lài, den tàng bă chi tam gơtìp ờ tơl dà mờ hìu nhă làng bol ờ tơl dà ngui gam ngai sơlơ gơguh uă pah ngai, tus tu\ do gùt càr Daklak geh rlau 11 rbô 800 lồ chi tam gơtìp ờ tơl dà, gơguh rlau 2 rbô 500 lồ pơn drờm mờ 7 ngai lài. Bơta ờ tơl dà gơlik geh uă ngan tus mờ ală hìu nhă ngui dà bơh tơr lung tờ, ờ uă tơrlung khoàng bơh broă lơh ai dà ngui bal kung ờ tơl dà nàng khà dà cat gơmù mhar ngan. Tu\ do, khà dơng dà bơh ală tơnau dà tàm càr Daklak kung mìng gam mờr 200 tơlak khối, tơr gùm uă ngan tàm 3 tơnau dơng dà dờng bè Ea Sup Thượng, Krông Buk Hà mờ bòn Joong; jơh ală tơnau dơng dà dềt neh soat. Tu\ do gah lơh broă sa mờ bơtàu tơnguh bòn lơgar càr Daklak đơng lam ală tiah sơlơ tơnguh ală broă lơh rơcang sơndră bơta soat dà bè tuah wàs ală rơbòng dà, pờ gùng dà hòr, lơh ờ uă anih bồm sơndră bơta soat dà tàm ală tiah kềng gah dà dờng geh dà bè tàm kơnhoàl Lak, Krông Bông, Krông Ana, Cư Kuin, Ea Kar…

                                                        Cau cih mờ yal tơngit K’ Duẩn.