VOV4.K’ho - Ồng Phạm Văn Đại gơnuar jat jơng atbồ Gah bơto bơtê mờ bơsram Hà Nội ai git, Hà Nội geh ai bơh khà sồ geh cih mat  dan pơr lòng bơh kơnòm bơsram  mùl màl nàng geh kơrnuat bơyai lơh mpồl pơr lòng ai ala\ cau pơr lòng jơh bơsram kai III dà lơgar nàng geh dờp jơh bơsram kai III hala ờ. Broa\ do geh pơrjum cri bơyai mờ geh kơrnuat tơnơ\ ngai 30/4 la tơngai lồi dut dờp sra\ dan cih mat pơr lòng bơh ala\ kơnòm bơsram. Jat kơrnuat pơr lòng  jơh bơsram jai III dà lơgar nam 2015 bơh Gah bơto bơtê mờ bơsram dà lơgar tơlik ngui, ala\ kơnòm bơsram mìng dan cih mat pơr lòng jơh kai bơsram III dà lơgar nàng geh dờp geh jơh kai bơsram III geh pơr lòng tàm mpồl is. Mpồl pơr lòng do di gơlan geh bơyai lơh pơr lòng tàm hìu bơsram hala ua\ hìu bơsram  bal, bơh gah bơto bơtê mờ bơsram dà lơgar đơng lam, geh lơh bal mờ ala\ hìu bơsram dờng. Tu\ do, ờ hềt tus tu\ tơngai kơnòm bơsram dan cih mat tus pơr lòng dơ\ pơrlòng jơh bơsram kai III dà lơgar den tàng ala\ hìu bơsram, anih lơh broa\ gah bơto bơtê mờ bơsram ờ hềt geh khà sồ nền nòn bè kơnòm pơr lòng  nàng geh dờp jơh bơsram kai III. Den tàng, gah bơto bơtê mờ bơsram Hà Nội gam rcang tơl ala\ bơta bè phan bơna, cau lơh broa\ lơh broa\ sền pơr lòng, te\ khà pơr lòng…nàng dong kờl ala\ hìu bơsram dờng bơyai lơh mpồl pơr lòng  dà lơgar lời tus kơnòm bơsram pơr lòng nàng sền geh dờp jơh bơsram kai III mờ geh rwah mut tàm hìu bơsram dờng, cao đẳng.