VOV4.K’ho- Ủy ban Nhân dân ƀòn dờng Hà Nội pa ai tơlik rơndap broă bè tam cah is, atbồ, gròi sền, kham mờ sơm tàm hìu gơ wèt tus mờ cau bơtờp kòp Covid-19 tàm ƀòn dờng. Jat hơ̆, cau geh gròi sền tàm hìu là cau bơtờp kòp Covid-19 ờ geh tềl tơnggŏ kòp, halà geh tềl tơnggŏ kòp nggờc; cau bơtờp ờ geh ală tềl tơnggŏ bơh as sồt klờm soh halà ờ tơl oxy. Ală bơta pal geh bè phan bơna, măi mok, jơnau sồr gơ wèt tus mờ cau tam cah is tàm hìu, cau ơm bal tàm hìu, kuang bàng lơh sơnơm mờ ală mpồl lơh broă geh gơ rềng lơh jat jơnau sồr bơh Bộ Y tế dê. Tŭ cau bơtờp kòp Covid-19 (là cau F0) geh jơnau kờñ geh tam cah is tàm hìu den pal geh sră cih mat; bơh sền sơ wì, mpồl đơng lam rơcang sơndră kòp xã, sơnah ƀòn, thị trấn tơlik kơrnuat tam cah is tàm hìu gơ wèt tus mờ ală cau F0.

Cau mblàng K’Duẩn