VOV4.K’ho - Gơnuar atbồ lơgar Hàn Quốc ngai òr 10/02 đơs tờm, lơgar do ờ geh ală broă lơh sang jơh ală broă lơh glài tu\ do tus lơgar Triều Tiên, nàng tam gơl wơl broă bơyai lơh ală dơ\ tìp măt cribơyai broă đah 2 lơgar. Gah Tơr gùm dùl dà lơgar Hàn Quốc đơs là, sang jơh ală broă lơh lơh glài lơgar Triều Tiên nàng tam gơl wơl ai ală dơ\ tìp mat cribơyai broă là jơnau ờ gơtùi dờp ngan. Gơnuar atbồ lơgar Hàn Quốc digơlan ờ dờp ală jơnau ờ dipal, lơh tìs wơl mờ kơrnuăt pal jăt làng bol lơh tờm nàng bơyai lơh ală dơ\ tìp mat cribơyai broă mờ lơgar Triều Tiên. Cau pơlam đơs bơh Gah Tơrgùm dùl dà lơgar Hàn Quốc đơs tờm là, Triều Tiên pal geh ală broă lơh dipal rlau dilah kờn tă săng ală broă lơh lơh glài tu\ do. Hàn Quốc kung đơs tờm, nùs nhơm gùng dà broă lơh bơyai lơh ală dơ\ tìp mat mờ lơgar Triều Tiên tàm bơta geh bơh sơn rờp sơrmah sơr mài mờ song dơpă tus tu\ 2 lơgar lơh geh bơta pin dờn.