VOV4.K’ho - Hàn Quốc mờ Mỹ digơlan sơn đờm ală dơ\ tàp ling bal pah nam tàm poh tus, ờ ngòt bơta đơs lah pràn ngan bơh lơgar Triều Tiên. Jat mờ hơ\, dơ\ tàp ling “ Broă lơh kuơ màng” digơlan jo\ jòng tàm 11 ngai, geh bơyai lơh bơh ngai 2 tus ngai 13/3 tus do, geh bơta tus bal bơh mờr 10 rbô nă ling lơgar Hàn Quốc mờ pơgap 8 rbô 600 nă ling Mỹ. Bal mờ dơ\ tàp ling “ Broă lơh kuơ màng”, dơ\ tàp ling “ Klàng kòn” kung geh mut lơh bơh ngai 2/3 tus ngai 24/4 tus do, mờ bơta tus bal bơh 200 rbô nă ling Hàn Quốc mờ 3 rbô 700 nă ling Mỹ. Dơ\ tàp ling do geh bal mờ tàp ling đăng ù gờl, tàm dà lềng mờ đang kơl wàng trồ. Jat ồng Curtis Scapparotti kuang đơng lam bồ ală mpồl ling bal Mỹ mờ Hàn Quốc tus bal dơ\ tàp ling, broă bơyai lơh tàp ling bal 2 lơgar là kờ` gàr niam bơta rơcang lài tam lơh bơh ală mpồl ling Hàn Quốc mờ Mỹ, kung bè gàr niam mờ sơ lơ tơnguh bơta pràn tam klac bal Mỹ- Hàn Quốc.