Sền muh mat gơ lơh chờ hờp,  boh bơr gơ lơh khin, ờ cau lơi sơnơng oh Y Tân, kòn cau Sơdàng, bơsram ơdu\ 7, hìu bơsram kấp 2 Nguyễn Huệ, tàm [òn dờng Kon Tum la cau kòn đời tu\ do gam kis tàm Trung tâm  ròng siam sền gar mờ  broa\ lơh càr Kon Tum. Tơnơ\ dơ\ gơbàn aniai dờng ngan hìu nha\ dê pơgap mờ do di 10 nam, bơh tiah sar lơgar ngài Đăk Ring, kơnhòal Kon Plong, Y Tân tus mờ hìu dờng do nàng kis geh ua\ ngan  gơp bơyoo geh rài kis drờm mờ he. Oh kah  wơl ala\ ngai sơnrờp mìng git nhìm lơm. Hơ\ sồng, tàm hìu geh mat sơnđan Ban Mai, Y Tân go\ geh bơta ram mhu\ bơh hìu nha\, git geh bơta kờ` gơboh mùl màl bơh  ala\ cau mè lo\,  cau wa ờ di la cau  pròt mhàm, ờ di la cau deh he:

Sau go\ bơh dềt tus dờng  kis tàm do bơtuah ngan, geh ala\ mè lo\ sền gar bơto bơtê. Sa tềp ala\ mè lo\ sùm geh bơyai lơh  bơta nhơl. Nhai rlô bơkang den ala\ mè lo\ bơyai lơh coh plai, nhơl chờ. Pah tu\ geh lòt  bơsram geh ala\ mè lo\ tơng kah bơto. Sau gơlơh chờ ngan mờ drờm bè  hìu tờm he.

Nàng kơnòm dềt ờ bơtuah geh dờp geh  bơta ram mhu\ bơh hìu nha\ tu\ geh tus kis tàm hìu do, Trung tâm ròng siam sền gàr mờ broa\ lơh mpồl bơtìan càr Kon Tum  tam cah ala\ sau gơs ua\ mpồl, bơyai lơh ai khi in geh bơsram sra\, nhơl chờ mờ ơm kis bè dùl hìu.

25 nam đềt mềr mờ broa\ sền gàr, ròng siam kòn đời, lo\ Vũ Thị Tâm gơ hor dà mat ngan tu\ geh đớ stus ala\ kòn ròng lo\ dê. Lo\ Yal,  geh ala\ sau cau kòn cau tu\ pa tus tàm do den ờ hềt mờ mờ broa\ bic tàm jơ nờng. Dong ala\ sau pha mờ ngòt, lo\ roh ua\ mang  ơm nggui rềp bal nàng boh bơr,  bơto bơtê. Hơ\ sồng geh ờ ua\ sau  lac lèo ngan sang hìu đam lòt lềng geh lơh ua\ ngan cau pal lòt jòi ai khi rê wơl gùng  niam. Đơs bè nùs nhơm he dê tus mờ ala\  cau kòn geh ơm tàm hìu dờng, lo\ Vũ Thị Tâm ai git:

A` cèng jơh bơta pràn nàng sền gàr, bơto bơtê ala\ sau bè kòn a`. A` kung la cau mè dơ\ 2 sền gàr ala\ sau, sa, ơm hơ\ sồng bơsram sra\, tam tìp mờ cau. A` kung rềp mềr mờ ala\ sau tàm do ua\ ngan mờ hìu nha\. A` kung ờ  ngòt bòl glar kal ke mờ dil màl. Tu\ ala\ sau gơ lòng sồr,  geh đơs, hala  geh gơguh jak hờ hìu bơsram den rê yal mờ a` mờ ala\ sau drờm chờ lơm. Ala\ sau kuet kơlte đah ne tu\ ala\ sau geh sơm kòp, ala\ sau kung  gơ tùi lòt mờ a` geh đơs la chờ hờp ngan, boh gơbài ngan.

Tàm 139 na\ kơnòm dềt gam geh ròng  siam tàm Trung tâm ròng siam sền gàr mờ broa\ lơh mpồl bơtìan tàm càr Kon Tum, geh 71 na\ sau gam bơsram bơh ơdu\ 1 tus ơdu\ 12, geh 43 na\ sau gam bơsram tàm ơdu\ is lời tus kơnòm kuet kơlte. Bơdĩh ala\ jơnau  git wa\ ala\ sau geh git wa\ bơh tàm hìu bơsram bơto bơtê, trung tâm  gam bơyai lơh, geh pơlam ala\ sau jơnau git wa\ bè  lơh sa, ròng phan mờ gah lơh broa\ mờ  tê. Mờ bơta lơh ngan nàng geh dong ala\ sau geh tơl pin dờ` gơ rờm bal geh tus wơl tàm mpồl bơtìan tu\ neh dờng, trung tâm ròng siam sền gàr mờ  broa\ lơh mpồl bơtìan càr Kon Tum sền gròi nền nòn ngan tus mờ broa\ geh ai git bơta chài kis ai tus ala\ sau. Ồng Lâm Quốc Hùng, Phó kuang atbồ Trung tâm, ai git:

Bơdĩh mờ bơta bơsram tờm, trung tâm gam bơyai lơh ala\ broa\ lơh bơsram bơdĩh tai bơto bè bơta chài rài kis.  Bơyai lơh  ala\ bùi tam tìp,  lòt nhơl hờ bơdĩh. Bal mờ hơ\,  bol a` kung geh lơh bal mờ ala\ Trung tâm bơh ala\ car ndai pah nam tàm ala\ tu\ nhai rlô bơkang, bol a` geh bơyai lơh ai ala\ sau in geh tam tìp mờ ala\ càr ndai nàng bơtàu tơngguh niam bè nùs nhơm mờ sa\ bồ kờ` ala\ sau pin dờ` tàm rài kis, kơljap tàm rnàng tơnơ\ do.

La hìu bal boh gơbài, bơtuah bơ tòai bơh kơnòm dềt ờ bơtuah, mpồl cau kuang, cau lơh broa\ bơh Trung tâm geh  ròng siam sền gàr mờ  broa\ lơh  mpồl bơtìan càr Kon Tum sùm geh  lơh broa\ jơh nùs, nền nòn rlau bơh tơl  dơ\ sào sa, ơm bic. Tàm 25 nam do,  mờ rlau 27 rbô dơ\ sa geh drơng tàm do, dùl bơnah hìu bềp ờ hềt dùl dơ\ lơi lời gơlik geh khih phan sa. Pah nam kơnòm dềt kòn đời,  kuet kơlte tus sơnam dờng neh rê kis wơl tàm mpồl bơtìan, geh bau, geh kòn. Mờ  cau lơh broa\ mpồl bơtìan tàm do,  kềng ala\ sra\ jờng, gam geh bơnah jờng ờ geh bơta lơi geh pơndrờm,  hơ\ la jơnau hòi bèp, mè bơh ala\ kòn đời, kuet kơlte tu\ do neh geh bau, geh kòn, neh dờng sa\ nàng kờ` gơboh, geh anih lòt rê tu\  neh dờng.

                                                                      Cau cih mờ yal tơnggit K’ Brọp