VOV4.K’ho - Geh ai là 1 tàm 15 hìu bơto broă lơh tòm gùt lơgar dê, ală nam do, hìu bơsram Cao đẳng broă lơh ơruh pơnu kòn cau Tây Nguyên neh dờp mờ bơto broă lơh g^t nđờ 10 rơbô nă cau bơsram, ơruh pơnu ală kòn cau Tây Nguyên in. Broă geh uă bè gah broă bơsram, pơgồp broă bơto broă lơh tàm hìu bơsram mờ broă bơsram broă lơh tàm anih lơh sa kă bro, neh dong kờl ală cau bơsram gơdờp mhar mờ tiah lơh broă tơnơ\ mờ tu\ neh jơh bơsram, geh broă lơh niam di pal.

Hìu bơsram tin học ASIA geh lơh tềng bă ù kuơ màng ngan tàm gùng Lê Duẩn, [òn dờng Buôn Ma Thuột, càr Dak Lak, tam toh mờ hìu bơsram dờng Tây Nguyên. Tàm tơngai geh uă tin học mờ tam pơlòng uă ngan, hìu bơsram tin học ASIA là 1 tàm ờ uă hìu bơsram geh ai geh bă ù ntào kơl jăp, tu\ lơi kung geh gal cau tus bơsram.

Ồng Y Nuc Rahlan, kòn cau Jarai, gơnoar atbồ hìu bơsram Tin học ASIA bal mờ ală cau lơh broă tàm hìu bơsram do ndrờm neh jơh bơsram bơh tàm hìu bơsram Cao đẳng broă lơh ơruh pơnu kòn cau Tây Nguyên.

            Ồng Y Nuc Rahlan, kòn cau Jarai, gơnoar atbồ hìu bơsram Tin học ASIA

Y Nuc Rahlan pà g^t, tàm [òn dờng Buôn Ma Thuột tu\ do, tin học gam là 1 broă lơh tơnguh bơtàu, mơya kung là 1 broă lơh kal ke ngan. Tơnguh bơtàu là tài broă kờ` bơh mpồl bơtiàn dê bè ală broă lơh tin học uă ngan. Mơya kal ke ngan, tài di lah cau bơsram broă lơh do ờ jăk, ờ sền gròi sùm jơnau bơsram bal mờ broă lơh pa, den mhar ngan gơtìp kal ke. Y Nuc Rahlan neh geh cồng nha tu\ g^t iăt ală jơnau bơto sồr bơh ală cau pơgru dê bơh tàm ală ngai sơnrờp mu\t tàm hìu bơsram do bơsram broă lơh, hơ\ là bơsram mờ lơh ndrờm pal mùl màl nền nòn: “Tàm tơngai bơsram tàm hìu bơsram den oh geh ală cau pơgru sùm bơto sồr, jơh bơsram là geh lơh broă lơi, tơnwèt ờ uă bơyô in lơh broă bal, tus tàm ală tiah lơh sa mờ măy mo\k, lơh is broă lơh să tòm in, bè lơh hìu tăc ha là lơh hìu l^p, photo sră. Ală jơnau g^t wă neh bơsram bơh hìu bơsram là ală jơnau tòm kuơ màng ngan kờ` lơh tơngu me tòm mờ ngui tàm broă lơh mùl màl”.

Ờ di mờ broă rơwah tin học bơsram bè klao pơnu Y Nuc Rahlan dê, ùr ơruh H’Uy Niên den rơwah broă lơh đềt mềr mờ suơn sre dê, hơ\ là lơh gar ca cao. Bơsram jăk, lơh broă tơriang tơriồng, H’ Uy Niê neh jòi geh broă lơh mờ geh rài kis ring niam tơn tàm anih lơh sa kă bro Ca cao Nam Trường Sơn, tàm ntum Ea Na, kơnhoàl Krông Ana, ờ hoan ngài bơh hìu tòm. Bơta kuơ màng ngan là H’ Uy bal mờ cau atbồ sền gàr broă lơh Nguyễn Thị Nữ là 2 nă cau lơh broă tòm, đơng lam tàm broă lơh, mờ ndrờm là cau neh jơh bơsram bơh hìu bơsram Cao đẳng broă lơh ơruh pơnu kòn cau Tây Nguyên dê tàm nam 2013, geh anih lơh sa kă bro Nam Trường Sơn rơwah mu\t lơh broă mơ tơnơ\ mờ tơngai bơsram broă lơh tàm do: “Broă bơsram bol oh dê den gah lơh broă kung đềt mềr mờ anih lơh sa kă bro là broă lơh phan geh lơh bơh broă lơh sa suơn sre dê bè kơphe, ca cao. Bol a` geh yal tus tàm do bơsram broă lơh, anih lơh sa kă bro do kung neh pơgồp bal mờ hìu bơsram ai ală cau bơsram in tơnơ\ do bơsram broă lơh hơ\ sồng tus tàm do lơh broă kờ` ală cau bơsram geh gơdờp mờ broă lơh, geh broă mờng chài mờ [uơn dan broă”.

                                         Bơto tà` ồi kòn cau dê

Jăt cồng nha sền gròi bè cồng nha bơto bơh hìu bơsram Cao đẳng broă lơh ơruh pơnu kòn cau Tây Nguyên dê, geh di pơgăp 80% khà cau bơsram jòi geh broă lơh tơnơ\ mờ tu\ neh jơh bơsram; tàm hơ\ geh rơlao 700 nă kơnòm bơsram, cau bơsram dờng tus lơh broă tàm ală tiah lơh sa mờ măy mo\k bơdìh càr, bè tàm [òn dờng Hồ Chí Minh, càr Bình Dương mờ geh mờr 120 nă lòt lơh broă hờ lơgar bơdìh geh rài kis niam.

Jăt ồng Rahlan Vôn Ga, gơnoar atbồ hìu bơsram Cao đẳng broă lơh ơruh pơnu kòn cau Tây Nguyên yal, kờ` dong kờl ală cau bơsram [uơn tàm broă dan mu\t bơsram mờ jòi broă lơh, hìu bơsram sùm sền gròi mờ rơwah bơto ală broă lơh geh uă tàm tiah do dê, bè broă lơh kơphe, ca cao, broă bơ\t bơtàu, broă lơh niam wơl măy vi tính, broă lơh niam wơl rơndeh lơ-òr, broă bơto pơlam broă lơh sa, trah rùp chi…

Bơdìh hơ\ tai, hìu bơsram gam bơ\t bơtàu broă pơgồp bal nền nòn mờ ală mpồl lơh broă, anih lơh sa kă bro. Do là anih bơsram lơh broă, lơh gơs cau lơh broă niam ală cau bơsram in, kờ` ală cau bơsram [uơn rơlao tu\ jòi broă lơh. Ồng Rahlan Vôn Ga pà g^t: “Tàm ală nam do, bol a` neh geh 1 jơdu\ sơnđan là jơdu\ lơh broă, dờp kơnòl pơgồp bal mờ ală anih lơh sa kă bro kờ` ală kơnòm bơsram bơsram broă lơh mờ jòi broă lơh tơnơ\ mờ tu\ neh jơh bơsram. Mờ bol a` neh lơh broă bal mờr 100 anih lơh sa kă bro, mpồl lơh broă lơh oh mi bal, tàm hơ\ geh bal hìu bơsram mờ hìu bơsram kờ` geh broă lơh bal bơh kơnòm bơsram mờ cau bơsram bal mờ cau pơgru. Den broă ai broă lơh, ală ơdu\ neh jơh bơsram den bol a` ndrờm jà ală anih lơh sa kă bro neh lơh broă bal kờ` lùp tơn cau bơsram kờ` dờp ală oh mu\t lơh broă”.

Bơsram tàm hìu bơsram, bơsram broă lơh tàm anih lơh sa kă bro neh dong kờl hìu bơsram Cao đẳng broă lơh ơruh pơnu kòn cau Tây Nguyên tơnguh khà cau bơsram geh broă mờ geh broă lơh. Cồng nha do gam ai tơl^k broă hòi jà kờ` hìu bơsram gơs là anih tus sơlơ ngai sơlơ geh uă ơruh pơnu tàm ală [òn Tây Nguyên dê.

Tu\ do, bal mờ broă bơto broă lơh tòm tàm khà Cao đẳng, trung cấp mờ sơ cấp mờ geh bơh 2 rơbô 500 tus 3 rơbô nă kơnòm bơsram, cau bơsram dờng; mờ 20 gah broă, tàm hơ\ geh 5 broă lơh geh khà dà lơgar, 10 broă lơh geh khà mpồl ASEAN mờ 02 broă lơh geh khà dunia; hìu bơsram Cao đẳng broă lơh ơruh pơnu kòn cau Tây Nguyên gam lơh jăt ală kơnòl bè: bơto drơng tàm broă lòt lơh broă hờ lơgar bơdìh; bơto pơgồp bal mờ hìu bơsram dờng ai ờ uă gah lơh broă in; kơlôi sơnơng khoa học, ngui bơta niam bơh broă gơguh jăk broă lơh pa, tam gơl công nghệ; lơh jăt broă lơh sa, kă bro mờ lơh broă.

Hìu bơsram Cao đẳng broă lơh ơruh pơnu kòn cau Tây Nguyên gam wèt tus 1 tơngai tơnguh bơtàu pa, tu\ geh mpồl lơh broă KOICA, lơgar Hàn Quốc bơcri 6 tơlăk đôlar kờ` lơh niam wơl phan bơna bal mờ phan bơto mờ bơsram broă lơh. Mờ broă bơcri priă do, hìu bơsram sơlơ ngai sơlơ geh tơl pràn tam gơl pa broă bơto broă lơh, di pal mờ broă rơwah broă lơh, bơsram broă lơh mờ lơh broă ơruh pơnu ală kòn cau Tây Nguyên dê, lơh hìu bơsram gơs là anih bơto broă lơh geh khà niam ngan tàm tiah do bal mờ gùt lơgar dê.

Cau mblàng Ndong Brawl