VOV4.K’ho - Hìu bơsram cao đẳng broa\ lơh sồ 21, Gah sền gàr dà lơgar la 1 tàm 2 mpồl ling klàng  geh mut lơh broa\ lơh krơi is la bơto bơtê broa\ lơh tàm đah tô Tây Nguyên. Mờ broa\ lơh bơto bơtê broa\ lơh geh mut lơh  ngan ngồn la tờm ngan, tàm ala\ nam do,  mpồl  neh  bơto bơtê git nđờ rbô na\ cau  bơsram broa\  lơh pah nam, geh pơ gồp bal sền gàr niam lơh sa mờ ờ do ờ da\ mpồl bơtìan tàm [òn lơgar.

            Bi Nguyễn Chí Thanh kis tàm ntum Dray Sap, kơnhoàl Krông Ana, càr Daklak deh mờ dờng  tàm hìu nha\ gal oh mi, bèp chơt gờ`, den tàng rơp bơsram jơh ơdu\ 8, bi neh pal ơm bơsram nàng lơh broa\ dong  mè ròng ala\ oh hền geh lòt bơsram. Tus nam  19 sơnam, bi geh lơh sra\ dan lòt ling, geh rwah lòt ling mờ geh bơsram ling tàm Trung đoàn 66, Sư đoàn 10, Quân đoàn 3. Bồ nam do,  rê ling, geh rê wơl mờ [òn tờm. Hìu nha\ mìng geh 2, 3 sào ù lơh sre mờ ờ ua\ ù tam bùm blàng, den tàng rài kis gam ua\ ngan ngan kal ke. Bulah neh lơh ngan lơh broa\, lơh ơpah,  pah ngai kung mìng geh di 150 rbô pria\, rài kis bòl glar kal ke ngan. Den tàng,  bi Thanh neh dan lòt bơsram broa\ la cơ khí tàm Hìu bơsram Cao đẳng broa\ lơh sồ 21, Gah sền gàr dà lơgar, geh tiah lơh broa\ tàm càr Gialai, mờ kơp kờ` geh rnàng àng  sơdah rlau. Bi Nguyễn Chí Thanh đơs:“Kơp kờ` a` dê la geh chài broa\ lơh, geh broa\ lơh niam, geh tai pria\ jền nàng  geh dong hìu nha\ mờ tơnơ\ do gơtùi drơng geh rài kis he dê. A` pin  la tơnơ\ jơh bơsram, a` geh chài  lơh broa\, di pal bơta kờ` bơh mpồl  ngui  cau lơh broa\”.

            Tàm gah cơ khí, hìu bơsram Cao đẳng broa\ lơh sồ 21, tu\ do geh 120 na\ cau bơsram drờm la cau ling neh rê ling. Bal mờ bơta bơto broa\ lơh jơh nus bơh ala\ cau pơgru,  ala\ cau bơsram  tàm do geh  ngui geh ua\ ngan ma\y mok pa tàm  broa\ lơh. Bơta do geh dong ala\ cau bơsram broa\ geh git wa\ loh ngui geh ma\y mok, công nghệ mo tơn bơh tàm hìu bơsram. Bal mờ hơ\ tai,  mut lơh broa\ lơh bal bơh hìu bơsram, la sền kuơ broa\  lơh geh lơh broa\ tơn ngan ngồn tàm tu\ bơto, gah cơ khí sùm dong tơl bơta niam ai cau bơsram broa\ in geh tơl bơta nàng geh mut lơh ngan, di pal bơta kờ` bè cau lơh broa\ bơh ala\ mpồl lơh sa ka\ bro. Bi Phùng Văn Nguyên deh nam 1995, cau bơsram gah cơ khí đơs:“Tu\ mờ ala\ cau bơsram bol a` geh mut tàm cơldu\ mut lơh ngan den ala\ oh lơi geh at ma\y den geh dùl na\  klau pơgru jat bal, tìs tềng lơi,  kờ` lơh niam tềng lơi, lơh mbè lơi nàng gơ niam rlau den geh  pơgru sồr. Bơh sơnrờp, bol he pal lơh kơ\,  tơnơ\ den he lơh niam, lồi dut la lơh mhar gơs”.

             Tu\ do, Hìu bơsram Cao đẳng broa\ lơh sồ 21, Gah sền gàr dà lơgar mut lơh broa\ lơh li la broa\ ala\ gah bơto bơtê, mờ ala\ gah broa\ bè công nghệ  rơndeh dờng, công nghệ thông tin, cơ khí, hàn,  y sỹ, lơh sơnơm mờ ma\y rơndeh dờng ala\ khà… tàm 3 gah bơto bơtê tờm la cao đẳng broa\ lơh, trung cấp broa\ lơh mờ sơ cấp broa\. Nam bơsram 2014-2015 la nam bơsram sơnrờp hìu bơsram geh tơnguh gơs hìu bơsram cao đẳng, hìu bơsram neh bơto bơtê mờ ai lik  jơh bơsram rlau 3 rbô na\ cau bơsram.

            Mờ mờr 150 na\ cau pơgru  bơto, hìu bơsram sùm geh sền kuơ tàm bơta mut lơh broa\ ngan ngồn, gàr niam khà chài lơh broa\ bơh cau bơsram broa\ tu\ jơh bơsram, gơtùi lơh di bơta kờ` bơh mpồl  lơh sa ka\ bro. Bal mờ hơ\,  hìu bơsram geh lơh lài lơh niam  broa\ lơh geh lơh bal mờ ala\ mpồl lơh sa ka\ bro, bơh hơ\ geh git ngan bơta mùl màl, bơto bơtê broa\ lơh mờ bơta chài broa\ lơh jat bơta kờ` bơh mpồl lơh sa ka\ bro, mơ kung gàr niam tus cau bơsram broa\ jơh bơsram la geh mpồl lơh broa\ ai mut lơh broa\. Thiếu tá Đinh Văn Phê atbồ gah cơ khí, Hìu bơsram Cao đẳng broa\ lơh sồ 21, Gah sền gàr dà lơgar ai git:“Tơngai lài do, Mpồl đơng lam atbồ Đảng, Mpồl  atbồ hìu bơsram mờ ala\ oh mi atbồ tàm ala\ gah bơsram broa\ neh sền kuơ ngan broa\ ai bơsram mut lơh ngan tơn. Hơ\ la geh ai bơcri blơi phan  bơna ma\y mok lơh broa\, gàr niam broa\ lơh mut lơh ngan tơn tềng anih bơsram. Bal mờ hơ\,  bol a` geh ai cau pơgru tus bal bơsram tai, mut lơh ngan mờ geh lơh broa\ bal mờ ala\ mpồl lơh sa ka\ bro kờ` tơngguh bơta chài, chài lơh broa\. Tơnơ\ mpồl cau pơgru tus bal geh bơtê mờ ala\ mpồl lơh sa ka\ bro rê den bol a` geh bơto wơl cau bơsram broa\ lơh tàm ala\ gah bơsram”.

            Mờ broa\ tơnguh bơh trung cấp guh cao đẳng, Hìu bơsram  Cao đẳng broa\ lơh sồ 21, Gah sền gàr dà lơgar neh gơ gơs  la anih pin dờ` ngan tus mờ cau ling neh rê ling pơnjat tai geh lòt bơsram broa\ lơh,  jơh bơsram geh broa\ lơh niam. Ờ mìng bè hơ\,  hìu bơsram neh mờ gam bơsir tai cau lơh broa\ chài  broa\ lơh tàm tiah kơh bơnơm he dê.

                        Cau cih mờ yal tơnggit K’ Brọp