VOV4.K’ho - Drim òr 05/03, tàm Hà Nội, hìu bơsram dờng cau ùr Việt Nam bơyai lơh tơngkah 55 nam ngai bơhìan  hìu bơsram ( 8/3/1960 – 8/3/2015) mờ dờp sră jờng rơ bơh kuang gơs gơnăp gơnuar atbồ hờđang rlao jơh dà lơgar dê. 55 nam do, hìu bơsram dờng neh bơyai lơh geh rlau 700 ơdu\ bơsram mờ rlau 46 rbô nă cau bơsram tus bal ală broă lơh bơto bơtê bè broă lơh cau ùr,  drờm bal cau klau mờ cau ùr, broă lơh mpồl bơtìan, kuang đơng lam atbồ mờ uă gah bơsram ndai. Hìu bơsram tam klac bal bơto bơtê mờ 45 càr, [òn dờng, mờ uă hìu bơsram gùng dră bal, hìu bơsram dờng, cao đẳng tàm gùt lơgar. Uă cau bơsram geh bơto bơtê tàm hìu bơsram neh dờng pràn, brồ guh niam bơta git wă tà, broă lơh, geh ală kơnă Đảng, gơnuar atbồ pin dờ` jàu ală gơnuar broă kuơ màng tàm ròt mpồl lơh broă gùng dră bal. tơngai bơh nam 2015 tus nam 2020, gùt kuang bàng, cau lơh broă hìu bơsram dờng geh tơr gùm tơnguh jơnhua nùs nhơm, bơta chài lơh broă ờs mờng, tam gơl pa tơngume, broă lơh bơto bơtê nàng lam hìu bơsram dờng gơs la anih tờm bơto pơlam geh bơngă pin dờn mờ geh cồng nha.