Hìu bơsram kai 1 Dliê Ya, tàm tiah sar lơgar ngài, tiah pôs đồng kăc màng là 1 tàm ală hìu bơsram lam lài tàm broă pơlòng gah bơto bơtê mờ bơsram kơnhoàl Krông Năng, càr Dak Lak dê.

Hìu bơsram kai 1 Dliê Ya, kơnhoàl Krông Năng, càr Dak Lak neh geh khà dà lơgar tơngai dơ\ 1 bơh nam 2011, hìu bơsram do geh mờr 900 nă kơnòm bơsram, tàm hơ\ geh nggùl là kơnòm bơsram kòn cau. Ală nam pa do, khà kơnòm bơsram guh ơdu\ sùm geh 95%, khà kơnòm bơsram mu\t bơsram ơdu\ 1 di sơnam sùm geh 100%.

Bal mờ broă bơto jơnau ngăc ngar, hìu bơsram kai 1 Dliê Ya sùm sền kuơ tus mờ broă tàp pràn să jan, bơyai lơh ală broă hờ bơdìh tu\ bơsram, go\ mờ bơtơl bơta chài đơs crih, tàp pràn să jan ală kơnòm in. Mờ ală broă lơh do, hìu bơsram lơh niam broă lơh “Pah ngai lòt bơsram là 1 ngai chờ” tus mờ ală kơnòm bơsram. Den tàng, khà kơnòm bơsram sơbì bơsram sơlơ ngai sơlơ gơmù, bơh rơlao 5% pơgăp mờ do 5 nam den tu\ do ờ tus 1%.

Dùl ơdu\ bơsram tàm hìu bơsram kai 1 Dliê Ya dê

         Pơgru Nguyễn Thị Hân, lơh broă tàm mpồl kơnòm dềt hìu bơsram kai 1 Dliê Ya đơs: “Hìu bơsram bơyai lơh ală broă bơto sồr bơta ngăc ngar ai ală kơnòm in bè bơta ngăc ngar niam ờ do ờ dă tàm gùng lòt, ală bơta ngăc ngar tàm rài kis, hơ\ sồng ală broă lơh ai ală kơnòm bơsram in nhơl, den tàng geh hòi jà ală kơnòm bơsram tus bal mờ chờ hờp ngan. Geh uă kơnòm bơsram kòn cau dờng sơnam dơ\ sơnrờp gam ờ khin, ờ bài tus bal, geh nùs nhơm kờ` lòt nhơl gema, mơya tơnơ\ mờ hơ\ go\ ală bơyô nhơl chờ ngan den kung tus bal sơl. Den tàng, ală nam pa do, broă kơnòm bơsram sơbì bơsram ờ uă ngan”.

Ală cồng nha niam bơne\ do sơlơ geh kuơ màng ngan rơlao tus mờ ntum Dliê Ya, tiah pôs đồng kăc màng mờ rơlao nggùl khà kờp làng bol là kòn cau. Broă pơlòng geh hìu bơsram lam sồr tơn bơh bồ nam bơsram, ai tơl^k khà mùl màl tus tơl mpồl ơdu\ mờ geh sền kờ` rơwah tàm lồi dơ\ bơsram, nam bơsram. Tơl nă cau pơgru ndrờm lơh ngan bơsram, tơnguh jơnau ngăc ngar tàm broă bơto, mblàng jơnau bơsram kờ` cồng nha bơh tơl nă kơnòm bơsram là cồng nha mùl màl. Bu\ lah là hìu bơsram tàm tiah sar lơgar ngài, mơya ală cau pơgru ndrờm geh sền jơnau bơto mờ điện tử lơm, ală dơ\ bơsram tài bè hơ\ den tàng niam, chờ, hòi jà uă kơnòm kờ` tus bơsram. Pơgru Cao Xuân Trung, gơnoar atbồ hìu bơsram kai 1 Dliê Ya, kơnhoàl Krông Năng đơs: “Bồ nam bơsram den jàu khà niam, hơ\ là cau pơgru pal dan pơlòng, ală broă pơlòng den geh cau đơng lam mpồl kơnòm dềt, ală gah, mpồl lơh broă, tàm ală dơ\ pơrjum mpồl đơng lam Đảng kung geh jơnau đơng lam. Broă pơlòng kung geh hòi jà gùt mpồl bơtiàn tus bal, bol a` hòi jà ală anih lơh sa kă bro pơn jờng ală oh geh khà càr kờ` pơlam, lam sồr; geh bal cau pơgru kung bè hơ\ sơl, cau pơgru mờ geh kơnòm bơsram geh khà kơnhoàl, khà càr den bơdìh mờ nùs nhơm kung geh pơn jờng mờ phan bơna sơl”.

Ală phan bơna tàm hìu bơsram kai 1 Dliê Ya geh bơcri priă lơh niam. Geh uă jơdu\ bơsram tàm hìu bơsram geh tivi pa, geh tơrbo\ bal mờ internet ờ che, den tàng [uơn ngan tàm broă bơto mờ điện tử. Gùt [làng hìu bơsram kung neh dă mờ bêtông jơh, den tàng broă bơyai lơh ală dơ\ bơsram hờ bơdìh ơdu\ bơsram, tàp pràn să jan kung [uơn ngan sơl.

{làng hìu bơsram tu\ kơnòm bơsram l^k nhơl

             Ală phan bơna do ndrờm geh hòi jà bơh gùt mpồl bơtiàn mờ geh ală cau mè, cau bèp kơnòm bơsram ring nùs bal tă priă mờ kơ\p kờ` oh kòn geh bơsram tàm hìu bơsram niam ngan. Ồng Y Téo Niê, kuang atbồ anih duh broă làng bol ntum Dliê Ya, kơnhoàl Krông Năng, mờ kung là cau geh kòn neh bơsram tàm hìu bơsram kai 1 Dliê Ya đơs: “Hìu bơsram kai 1 Dliê Ya di lah pơndrờm mờ lài do den neh tơnguh bơtàu loh làng ngan, khà ngăc ngar kơnòm bơsram sơlơ ngai sơlơ tơnguh uă. Tàm ală nam pa do, lơh jăt broă gùt mpồl bơtiàn tus bal broă bơto bơtê mờ bơsram, den gơnoar cau mè, cau bèp là uă ngan, hơ\ là tus bal tă priă is kờ` lơh ală broă tàm hìu bơsram. Mpồl gơnoar atbồ hìu bơsram lơh ngan tus bơsram mờ ală broă bơto bơtê pa kờ` ngui tàm mùl màl ntum dê. Dùl hìu bơsram bè do pal đơs là cau mè, cau bèp pin dờn ngan, ai oh kòn tus bơsram”.

Mpồl gơnoar atbồ hìu bơsram kai 1 Dliê Ya ai khà dà lơgar tơngai dơ\ 2 tàm nam 2017. Jơnau pin dờn bơh cau mè, cau bèp kơnòm bơsram dê là bơta pràn dờng màng ngan kờ` ală cau pơgru tàm hìu bơsram lơh ngan sùm, bơ\t bơtàu hìu bơsram sơlơ ngai sơlơ niam bơne\, mờ bơta niam bơto sơlơ ngai sơlơ niam rơlao; di pal là 1 tàm ală hìu bơsram lam lài ngan gah bơto bơtê mờ bơsram kơnhoàl Krông Năng, càr Dak Lak dê.

Cau mblàng Ndong Brawl