VOV4.K’ho – Tơnơ\ ngai đah jum dà lơgar geh tơngklàs jơh, nàng lơh di bơta kờ` bơtàu tơnguh lơh sa mpồl bơtiàn, gàr niam ngap lơngai ờ do ờ dă dà lơgar – sền gàr dà lơgar, mơkung geh bơto bơtê rơnàng ơruh pơnu gơ gơs cau lơh broă geh bồ tơngoh, git bơta jak chào chài rơgơi, geh tơl pràn, lơh di bơta kờ` kac màng tàm [òn lơgar, ngai 12/01/1976, anih duh broă làng bol kac màng càr Dak Lak ki\ kơrnuat crơng gơs hìu bơsram “ Bơsram ndang, lơh broă ndang” tu\ do là hìu bơsram kai 3 kòn cau Nơ Trang Lơng. 40 nam crơng gơs mờ bơtàu tơnguh, hìu bơsram Nơ Trang Lơng neh bơto bơtê git nđờ jơt rbô kơnòm bơsram, gơ gơs là ală cau kuang, cau atbồ, geh at uă gơnoar broă kuơ màng:

Ală ngai rơcang tus dơ\ bơyai lơh tơngkah 40 nam ngai crơng gơs hìu bơsram kòn cau kai 3 Nơ Trang Lơng, klau pơgru Trương Văn Nòi, kah wơl tơngai mờr 40 nam lài, tu\ pa tus lơh broă tàm hìu bơsram “ Bơsram ndang, lơh broă ndang”. Hìu bơsram geh tam gơl wơl bơh dùl anih suơn dờng mờ ală hìu kù dềt geh lơh kềng gah dà croh dềt. 40 nam bơt bơtàu, tus tu\ do, hìu bơsram Nơ Trang Lơng neh dờng ơnàng ngan bal mờ ală bă hìu jơnhua cờn, ală hìu kơnòl broă tàm [làng dờng pah nam rơ hiơm tờm chi mờ li la bơkàu niam. 40 nam sền go\ ală tam gơl kung là dùl tàm ală cau geh tă pơgồp bơt bơtàu gơs ròt cồng nha bơh hìu bơsram cèng mat sơnđan cau khin cha jak chài Nơ Trang Lơng dê, klau pơgru Trương Văn Nòi ờ gơtùi pồn bơta pơn ìơ să: “ Gơ wèt mờ hìu bơsram Nơ Trang Lơng bơh 40 nam den hìu bơsram neh tam gơl uă ngan tàm uă bơta. Lài ngan là phan bơna, sơn đờm bơh dùl hìu bơsram anih suơn dờng dê, phan bơna ờ tơl, cơldu\ bơsram là ală hìu mpàn. Tu\ do hìu bơsram neh dờng ơnàng mờ niam ngan, geh tơl phan bơna nàng drơng broă bơto bơtê mờ bơsram in.”

Kung là dùl tàm ală cau pơgru rềp mềl mờ hìu bơsram bơh ală ngai sơn rờp, klau pơgru Nguyễn Kim Anh, atbồ hìu bơsram pà git: Ală ngai pa crơng gơs, phan bơna gam ờ tơl ngan, anih ơm mờ cơldu\ bơsram tàm jơh 2 tiah ngài tus 1 kơi sồ gùng brê. Cau pơgru bal mờ kơnòm bơsram ndrờm mhar sơr lèt gan ală kal ke kơnờm geh nùs nhơm bơsram sră, lơh broă lơh sa bơh hìu bơsram dê, mờ bơta pơn rơ is “ Bơsram ndang, lơh broă ndang” nàng lơh geh ală ròt cồng nha tus ngai do: “ A` là dùl tàm ală cau sơn rờp lơh broă tàm hìu bơsram tàm ală ngai sơn rờp bơh ală nam 1980 bơh rài lài dê. Bol a` là ală cau geh bơto bơtê tàm tiah ring, tus do mờ kơnòl kuơ màng là bơto sră tiah kơh bơnơm in, kờ` bol a` lơh niam kơnòl geh jàu là anih bơto bơtê mpồl cau lơh broă, kuang bàng kòn cau nàng drơng jơnau kờ` bơtàu tơnguh lơh sa mpồl bơtìan bơh càr do dê. Ală ngai sơn rờp pal đơs là, ală rơnàng cau pơgru, kơnòm bơsram pal lơh ngan den hơ\ sồng gơtùi lơh jơh kơnòl bơsram tơn, lơh broă, lơh sa tơn. Ngai rlô bol a` bal mờ kơnòm bơsram pal mut tàm brê nàng jòi lòng, gam pal rơcang tam dră mờ ală bol Fulro.”

Mờ jơnau kờ` bơto bơtê rơnàng ơruh pơnu gơs là ală cau lơh broă geh bồ tơngoh jak, geh chài rơgơi, geh pràn kơldang să jan, drơng jơnau kờ` kac màng tàm [òn lơgar, tàm 3 nam sơn rờp crơng gơs, hìu bơsram mìng rơ wah ơruh pơnu, kơnòm pa tàu kòn cau, kòn cau ling chơt màng, kòn hìu nhă geh màng mờ dà lơgar mut bơsram kai 1, kai 2 mờ bơsram gah bơto bơtê bơtơl kai 3. Tơnơ\ hơ\, hìu bơsram rơ wah kơnòm bơsram mut ơdu\ 10 kai 3 bơh ală tiah ờ hềt geh hìu bơsram kai 3 tàm càr Dak Lak. Nhai 8 nam 1984, pơgồp bơnah mut lơh jơnau kờ` jal mhar “ Bơto bơtê 30 rbô nă kuang bàng kòn cau”, hìu bơsram geh rề ơnàng broă bơto bơtê gơguh tus mờr 1 rbô 200 nă kơnòm bơsram. Nam 1991, hìu bơsram tam gơl mat sơnđan là “ Hìu bơsram kòn cau kai 3 Nơ Trang Lơng” mờ geh gàr tus tu\ do.

40 nam do, cồng nha bơto bơtê  mờ bơsram bơh hìu bơsram dê pah nam geh tai tam gơl pa, geh cồng nha. Mìng is nam bơsram 2014 – 2015 pa do, hìu bơsram geh tus 93,6% kơnòm bơsram ơdu\ 12 pơr lòng gơ kờn mut hìu bơsram dờng. Tus tu\ do, hìu bơsram neh geh 6 nă kơnòm bơsram jak kơnă dà lơgar mờ uă kơnòm  bơsram jak Olympic ală càr tiah đah jum dà lơgar, kơnòm bơsram jak kơnă càr. Tàm 40 nam bơt bơtàu mờ bơtàu tơnguh, bơh hìu bơsram do neh geh mờr 6 rbô nă kơnòm bơsram jơh bơsram kai 3. Uă kơnòm bơsram tàm khà hơ\ tu\ do neh dờng pràn, at ală gơnoar broă kuơ màng tàm mpồl kuang đơng lam bồ ală kơnă tàm ală càr Tây Nguyên, gơs cau pơgru, kỹ sư, cau lơh [au\, sĩ quan… Ală rơnàng cau pơgru, cau tờm bơh ală ròt cồng nha hơ\ sơlơ pơn ìơ să rlau tu\ geh bơto bơtê tàm hìu bơsram cèng mat sơnđan cau khin cha jak chài kòn cau Nơ Trang Lơng. Mờ ùr pơgru kơnòm să Nguyễn Thị Quỳnh Anh, hơ\ là bơta pơn ìơ să mờ kung bè go\ he cèng tai uă kơnòl kuơ màng: “ Là dùl nă cau pơgru kơnòm să, tu\ rê lơh broă tàm hìu bơsram a` go\ pơn ìơ să ngan tu\ geh tus bơto bơtê tàm hìu bơsram Nơ Trang Lơng geh 40 nam geh ròt cồng nha. A` go pal lơh ngan rlau tai nàng jat jơng bơhiàn hìu bơsram dê mờ pal lơh ngan tai nàng lơh geh uă cồng nha rlau, dong hìu bơsram ngai sơlơ bơtàu tơnguh.”

Kơnòm bơsram Niê Đức Thịnh đơs: “ Oh pơn ìơ să ngan tu\ bơsram tàm hìu bơsram do, mờ tơngai bơt bơtàu 40 nam. Tàm hìu bơsram do oh geh bơsram uă ngan bơta, bơdìh mờ bơta git wă cau pơgru bơto bơtê den gam geh ală broă lơh tàp pràn să jan, chài rơgơi, dong oh pơlam tàp geh uă ngan bơta chài. Oh kung lơh ngan bơsram nàng geh cồng nha niam ngan rlau jơh, dipal mờ tơngai kah yau bơh hìu bơsram dê.”

40 nam bơt bơtàu mờ bơtàu tơnguh, hìu bơsram kòn cau Nơ Trang Lơng neh lơh ngan nàng gơs là 1 tàm 5 hìu bơsram kai 3 geh khà tơl bơh càr Dak Lak dê, geh kuang atbồ lơgar pà khà jờng gai lòng lơh broă khà 3. Ală khà jờng kuơ màng hơ\, là cồng nha lơh ngan ờ git glar bòl bơh uă rơnàng cau pơgru, kơnòm bơsram, kuang bàng, cau lơh broă hìu bơsram dê. Hơ\ ờ mìng là bơta pơn ìơ să, mơ gam là bơta pơn jờng dờng ngan nàng pơnjat tai ai go\ bơngă bơh dùl hìu bơsram kòn cau kai 3 cèng mat sơnđan cau khin cha jak chài tàm ù tiah Tây Nguyên.

                                                             Cau cih mờ yal tơngit K’ Duẩn.