VOV4.K’ho - Drim ngai 09/1, hìu bơsram kòn cau Nơ Trang Lơng, càr Dak Lak neh bơyai lơh tơnkah 40 nam ngai crơng gơs (12/1/1976-12/1/2016)

Bơh 40 nam bơ\t bơtàu mờ tơnguh bơtàu, bơh hìu bơsram do, neh geh mờr 6 rơbô nă kơnòm bơsram jơh bơsram kai 3. Uă kơnòm bơsram tàm khà do tu\ do neh dờng, at gơnoar kuơ màng tàm anih lơh broă đơng lam ală kơnă, gơs là ală cau pơgru, kỹ sư, cau lơh [ăo, sĩ quan ling klàng… Khà niam broă bơto mờ bơsram hìu bơsram kòn cau Nơ Trang Lơng sơlơ ngai sơlơ geh tơnguh. Mìng is nam bơsram 2014-2015 pa do, hìu bơsram neh geh tus 93,6% khà kơnòm bơsram mpồl ơdu\ 12 pơlòng tơl khà mu\t bơsram tàm hìu bơsram dờng. Tus tu\ do, hìu bơsram do neh geh 6 nă kơnòm bơsram jăk khà dà lơgar mờ uă kơnòm bơsram jăk Olimpic ală càr đah jum, kơnòm bơsram jăk khà càr.

Kuang jăt jơng atbồ anih duh broă làng bol càr Dak Lak jàu bồng bi pơlòng hìu bơsram kòn cau Nơ Trang Lơng in

Pơgru Nguyễn Kim Anh, gơnoar atbồ hìu bơsram kòn cau Nơ Trang Lơng đơs: “Tus tu\ do pơnyờ să ngan tu\ hìu bơsram kòn cau Nơ Trang Lơng là 1 tàm 5 hìu bơsram kai 3 geh khà dà lơgar càr dê, geh Đảng, Dà lơgar, Gơnoar atbồ lơgar jàu uă phan pơn jờng mờ gai lòng kuơ màng. Bơta do, bol a` pơnyờ să ngan mờ di tơnkah 40 nam ngai crơng gơs, ala măt kuang bàng đơng lam hìu bơsram, a` dan pơyoa jơnau ưn ngài ngan tài broă sền gròi bơh ală kơnă Đảng, gơnoar atbồ càr mờ đơs tus jơnau kah ưn ngài tus ală rài cau pơgru bal mờ kơnòm bơsram neh pơgồp bal tàm broă lơh geh cồng nha hìu bơsram dê tàm 40 nam do”.

Cau cih mờ yal tơng^t Ndong Brawl