VOV4.K’ho - Tàm tiah nhàr dà lơgar ntum Mang Mơrai, kơnhoàl Sa Thầy, càr Kon Tum geh 1 hìu bơsram sơnđan măt Đại tướng Võ Nguyên Giáp geh Binh đoàn 15 gơwèt gah sền gàr dà lơgar lơh. Bal mờ hìu bơsram do, Binh đoàn 15 kung neh tă priă lơh g^t nđờ rơhiang nơm hìu bơsram ndai jăt gah gùng mhàr dà lơgar tiah đah tô Tây Nguyên dê, ai tơl bơta niam oh kòn làng bol ală kòn cau in tus bơsram.

Tàm gùl ală bă brê tơlir niam tàm tiah nhàr dà lơgar ntum Mang Mơrai, hìu bơsram sơnđan Đại tướng Võ Nguyên Giáp bè 1 anih tơl^k: Dùl broă lơh niam, krơi is mờ broă kal ke tàm ù tiah do dê. Tu\ rơlô, g^t rơhiang nă kơnòm bơsram l^k tàm [làng nhơl, săp đơs `o\ ngồr ngàc neh lơh tơn jơh bơta ngềt ngơ\t tàm ù tiah mìng geh brê mờ bơnơm do.

Oh Tống Khánh Linh, kòn cau Mường, bơsram ơdu\ 9, uă nam tơn geh khà bơsram jăk đơs: “Geh bơsram tàm hìu bơsram sơnđan măt Đại tướng Võ Nguyên Giáp là 1 nùs nhơm pơnỳơ să dờng màng ngan oh dê. Oh lơh ngan bơsram jăk kờ` tơnơ\ do geh pơgồp 1 bơnah dềt bơh bơta pràn oh dê, lơh jăt ơnà jăk Đại tướng kờ` bơ\t bơtàu dà lơgar”.

Hìu bơsram kai 1 mờ kai 2 Võ Nguyên Giáp geh mờr 350 nă kơnòm bơsram là oh kòn làng bol ală kòn cau, cau lơh broă tàm anih lơh sa kă bro cao su mpồl lơh sa gah sền gàr dà lơgar 78, Binh đoàn 15 dê. Do là hìu bơsram jăt broă lơh ơm ngai tơn. Pơgru Nguyễn Trung Hưng, kuang jăt jơng atbồ hìu bơsram pà g^t, lài do, broă bơto mờ bơsram tàm tiah do tìp uă ngan kal ke. Kơnòm bơsram pal lòt ngài ngan, mờ ală cau pơgru kung kal ke ngan sơl tàm broă lam sồr, tơnguh sùm khà kơnòm bơsram geh lòt bơsram. Tu\ geh hìu bơsram ơm ngai tơn bơh Binh đoàn 15 dong kờl lơh, neh dong kờl broă bơto mờ bơsram [uơn rơlao. Broă tus bal bơh cau ling neh dong kờl ală cau pơgru tàm ntum Mang Mơrai do lơh ngan rơlao tai kờ` tơmù kal ke, lơh gơs kơnòl bơto sră tàm tiah nhàr dà lơgar: “Chờ hờp mờ pơn ỳơ să ngan tu\ hìu bơsram geh măt sonđan Đại tướng Võ Nguyên Giáp, do là jơnau pơnỳơ să tus mờ ală cau pơgru bal mờ kơnòm bơsram tàm hìu bơsram do. Tơnguh ală bơta niam bơne\ hơ\, hìu bơsram neh tơmù rơhời ală kal ke, kờ` tơnguh rơhời bơta niam tàm broă bơto mờ bơsram. Bu\ lah kal ke kàr lơi kung pal gam lơh ngan pơlòng bơto jăk, bơsram jăk”.

Ntum mang Mơrai ngài mờ tiah tàm gùl càr Kon Tum di pơgăp 80 kơi sồ hờ đah jum măt tơngai mu\t. Mơya kờ` lòt tus tàm do pal roh nggùl ngai lòt gan ală gùng kơh, lu\ lơiang bal mờ tiă g^t nđờ 10 nơm croh dà. Kal ke bè gùng lòt là bơta tòm lơh kal ke ngan tàm broă tơnguh bơtàu tàm uă gah tiah nhàr dà lơgar Mang Mơrai do dê, tàm hơ\ geh bal gah bơto bơtê mờ bơsam. G^t bơta do, 2 nam lài, mpồl lơh sa gah sền gàr dà lơgar 78, Binh đoàn 15 neh rơcang ai broă do tus mờ gơnoar atbồ bal mờ gah bơto bơtê mờ bơsram tàm do, lơh hìu bơsram 2 kai bơsram kai 1 mờ kai 2 geh sơnđan măt Đại tướng Võ Nguyên Giáp. Đại tá Nguyễn Thăng Thanh, kuang atbồ đơng lam Đảng mpồl lơh sa gah sền gàr dà lơgar 78 pà g^t, broă lơh geh hìu bơsram do neh dong kờl cau lơh broă ờ pal pơyoa kòn rê hờ [òn bè lài do tai. Kung kơnờm bơh tu\ hơ\, kơnòl lơh sa-sền gàr dà lơgar mpồl lơh sa do dê sùm geh lơh jăk chài ngan. Tàm ală nam do, mpồl lơh sa gah sền gàr dà lơgar 78 sùm lam lài Binh đoàn 15 dê bè cồng nha, khà phan geh lơh bơh broă lơh sa suơn sre dê.

Đại tá Nguyễn Thăng Thanh đơs: “Tu\ geh hìu bơsram rềp tơn tềng [òn, hơ\ sồng ală oh kòn geh cèng tus tàm do kờ` mu\t bơsram tàm hìu bơsram sơnđan măt Đại tướng dê. Bơh tu\ hơ\, geh iang nùs, lơh ngan tàm broă lơh bơh ală cau lơh broă tàm tiah nhàr dà lơgar neh kal ke do dê. Cau lơh broă sa priă nhai `hăp `har lơh broă rơlao, mờ neh pơgồp bal tàm broă bơ\t bơtàu [òn lơgar niam, bơh tu\ hơ\ geh pơgồp bal tàm broă bơ\t bơtàu anih lơh sa kă bro kơl jăp”.

Bal mờ hìu bơsram sơnđan măt Đại tướng Võ Nguyên Giáp tàm ntum tiah nhàr dà lơgar Mang Mơrai, jăt gah nhàr dà lơgar bơh 2 càr Gia Lai mờ Kon Tum gam geh g^t nđờ rơhiang nơm hìu bơsram kơnòm pa lòt bơsram, hìu ròng siam kơnòm dềt bal mờ g^t nđờ 10 nơm hìu bơsram kai 1, kai 2 mờ kai 3 geh Binh đoàn 15 lơh kờ` drơng tàm broă bơto bơtê mờ bơsram. Đơs bè broă bơcri priă lơh tus broă bơto bơtê mờ bơsram anih lơh sa kă bro do dê, Thiếu tướng Đặng Anh Dũng, atbồ Binh đoàn 15 pà g^t: “Làng bol neh rơ[ah mờ tus tàm tiah do, tus tàm tiah do kờ` klàs mờ rơ[ah, ờ gơtùi lời oh kòn ờ g^t sră. Bè hơ\, den pal geh hìu bơsram, pal bơto sră. Tàm hơ\ geh hìu bơsram kai 1 ơm tơn, tus tàm tu\ ală oh kòn dờng den geh tai hìu bơsram kai 2 mờ bol a` pal lơh. Kơ\p tàm kes priă dà lơgar, kơ\ tàm kes priă càr dê den kal ke ngan. Mìng geh lơh hìu bơsram, ai broă sền gàr bơto bơtê mờ bơsram, ală pơgru tus bơto. Ha là jơnau, ală oh kòn làng bol kòn cau kờ` lòt ơm tàm hìu ròng siam, geh sào sa mờ ơm tàm anih kloh niam, geh ală cau pơgru sền gàr, geh phan nhơl… Lòt tus hìu ròng siam bol a` dê den ală oh kòn geh bơsram dà yoan, tus tàm tu\ lòt bơsram kai 1, ală oh kòn geh tơmù kal ke mờ bơsram jăk. Cau kis tàm tiah lơi den lơh broă tàm tiah hơ\, ală oh kòn tu\ dờng, g^t wă bơta niam chài rơgơi tàm do den đềt mềr, lòt tus tàm tiah lơi den kung rê tàm do kờ` bơ\t bơtàu, geh tu\ là [ồc mò ồng, mè, bèp tàm do tơn. Den tàng ală cau do hơ\ sồng là ală cau gàr niam tiah nhàr dà lơgar. Mờ he lơh bè do là di pal ngan mờ nùs nhơm Đảng, Dà lơgar dê là ai làng bol tus sền gàr tiah nhàr dà lơgar”.

Jăt gah nhàr dà lơgar tiah đah tô Tây Nguyên, broă tam phan mờ bơto sră tàm g^t nđờ nam do bơh ală cau ling Binh đoàn 15 dê neh pơgồp bal 1 bơnah lơh gơs ală bă brê cao su hòn gơs niam, ală [òn hờm ram mờ ală rài tơnơ do geh jăk chài. Dùl bă brê gam hòn tơlir niam, 1 bă tiah geh rài kis niam neh mùl màl gơs tàm tiah do kờ` sền gàr kơl jăp tiah nhàr dà lơgar.

   Cau cih mờ yal tơng^t Ndong Brawl